بسمة بوسيل تتصدر تريند يوتيوب بأغنية البدايات

تصدرت المطربة بسمة بوسيل تريند موقع الفيديوهات العالمي بأغنية البدايات، التي طرحتها خلال الساعات الماضية بمناسبة عيد ميلادها، حيث تخطت حاجز 100 ألف مشاهدة.

أغنية البدايات 

أغينة البدايات التي يرصدها تحيا مصر من ألحان محمد يحيي، وكلمات أيمن بهجت قمر، وتوزيع ومكس فهد مستر مصطفى رؤوف وإنتاج تامر حسني، وتقول كلمات الأغنية:

كلمات أغنية البدايات بسمة بوسيل 

البدايات أجمل بص حواليك و اسأل
كل حاجة حلوة في أولها ياريت حلاوتها بتكمل
حتى الوردة بتدبل وبنسكت وبنقبل
والسنين بتحط مسافة كل مدى بتطول
البدايات أجمل بص حواليك و اسأل
كل حاجة حلوة في أولها ياريت حلاوتها بتكمل
حتى الوردة بتدبل وبنسكت وبنقبل
والسنين بتحط مسافة كل مدى بتطول

وحالتنا مش جديدة نهايتنا مش بعيدة
بنخون وعودنا ومش بإيدنا كل اللي بنعمله
وتملي معرفش ليه كل اللي بنموت عليه

وحالتنا مش جديدة نهايتنا مش بعيدة
بنخون وعودنا ومش بإيدنا كل اللي بنعمله
وتملي معرفش ليه كل اللي بنموت عليه
نفضل نحاوطه وندوق حلاوته وشوية ونهمله

اول مسكة ايد وبداية المواعيد
احنا كده نتشد وبس تملي لأي جديد
الأيام بتفوت والاحساس بيموت
والأيام بتفوت ولسه البدايات أجمل
اول مسكة ايد وبداية المواعيد
احنا كده نتشد وبس تملي لأي جديد
الأيام بتفوت والاحساس بيموت
والأيام بتفوت ولسه البدايات أجمل

وحالتنا مش جديدة نهايتنا مش بعيدة
بنخون وعودنا ومش بإيدنا كل اللي بنعمله
وتملي معرفش ليه كل اللي بنموت عليه

وحالتنا مش جديدة نهايتنا مش بعيدة
بنخون وعودنا ومش بإيدنا كل اللي بنعمله
وتملي معرفش ليه كل اللي بنموت عليه
نفضل نحاوطه وندوق حلاوته وشوية ونهمله

تصريحات بسمة بوسيل 

في سياق مختلف، قالت بسمة بوسيل: أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفاهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء.

وتابعت، عدى عليا سنتين صعاب جدا خسرت نفسي فيهم، والدي مات وبعدين اتطلقت من تامر حسني وكل الحاجات الصعبة جت ورا بعضها، بس ده خلاني شخصية قوية ولقيت نفسي من جديد.

وأضافت، بقعد كتير مع أولادي وباخد رأيهم مش علشان يحلوا معايا المشكلة، ولكن أنا بربي أولادي على البزنس، لأن المدارس مش بتعلمنا اللي الحياة بتعلمه لينا، عمري ما كان فيه مقارنة بين شغلي، وأولادي علشان أختار بينهم، لأنهم أهم حاجة عندي، وأهم إنجاز في  حياتي، لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل.

واستطردت، أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها.

تامر حسني وبسمة بوسيل يحتفلا بتخرج إبنتهم| صور

تيمو مترددش لحظة أنه يديهالي.. بسمة بوسيل تطرح أولى أعمالها الغنائية البدايات

واختتمت بسمة بوسيل حديثها قائلة: ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا.