حسن الرداد: وقت وفاة أخويا بعدت عن التمثيل.. وفي بداياتي قررت أكون متنوع

تحدث الفنان حسن الرداد عن تفاصيل بداياته الفنية، وذلك خلال لقاء له ببرنامج كلمة أخيرة، الذي تقدمه الإعلامية لميس الحديدي، ويذاع عبر شاشة تلفزيون قناة أون.

تصريحات حسن الرداد الأخيرة

وقال حسن الرداد في تصريحاته التي يرصدها موقع تحيا مصر: زمان وأنا بمثل عشان شخصيتي بتحب الهزار والضحك فمكنتش عارف كممثل أعمل ايه، معهد فنون مسرحية فادني كتير لأن احنا في المعهد بنعمل مسرحيات كتير أدب عالمي وعربي فبنجرب أنواع مختلفة من الدراما سواء مأساة أو حاجات كوميديا فلقيت نفسي بعمل كذا حاجة فمش شرط مثلا تبقى دمك خفيف في الحقيقة ويقدر يعمل أعمال كوميدي، ولما جيت أمثل شوفت الجيل اللي قابلينا زي كريم عبد العزيز وأحمد عز أن كل واحد قعد فترة يعمل نوع واحد بس من الدراما وأنا مكنتش حابب دا وقولت أنا لما أجي أمثل لازم أعمل حاجات مختلفة.

حسن الرداد: شخصيتي الحقيقة قريبة للأعمال الكوميدي

وعن شخصيته الحقيقية تحدث حسن الرداد قائلا: أنا شخصيتي قريبة للأعمال الكوميدي لأني بحب أخد الأمور بهزار وبضحك وببساطة شديدة لأني شايف أن الحياة مش هتديك ضحك، الحياة بتديك أقلام على طول وبتديك لحظات حزينة فأنت لازم تدور بنفسك على الضحك والانبساط، ومفيش أي حاجة في الدنيا ممكن تزعلني غير الوفاة بتاعت حد عزيز عليا، وأنا من النوع اللي باخد حقي على طول، ودايما كنت بقول الحزن رفاهية والسعادة قرار.

حسن الرداد يتصدر التريند بعد جلوسه على سرير أبنه.. تفاصيل

حسن الرداد: مسلسل محارب عمل نجاح حلو جدا مع الجمهور واتبسط بيه

أعمال حسن الرداد المقبلة في دور العرض السينمائية

وسبق وأن كشف الفنان حسن الرداد عن تفاصيل أعماله السينمائية القادمة، بعد نجاح مسلسل محارب، وذلك خلال لقاء له ببرنامج عرب وود، على هامش العرض الخاص لفيلم شقو.

وقال حسن الرداد في تصريحاته التي يرصدها موقع تحيا مصر: إن شاء الله لسه فيه فيلم جديد في الصيف بإذن الله ولسه بنستقر على ورق اليومين دول، طبعا كنت بصور في رمضان لغاية يوم 27 فملحقتش اقعد فدلوقتي احنا بدأنا نختار الورق، وأكيد هعمل فيلم أنا وإيمي مع بعض وهي مبسوطة جدا بمسلسل محارب وهي رأيها بالنسبالي مهم أوي لأن رأيها حقيقي ومعندهاش مجاملة خالص وهي معجبة بالمسلسل ومتابعاها.