في ذكرى وفاة أحمد مظهر.. قصة رفع قضية حجر عليه من قبل أولاده

تصادف اليوم الأربعاء الموافق 8 مايو، ذكرى وفاة أحمد مظهر الذي لُقب بفارس السينما المصرية حيث أنه من مواليد 8 أكتوبر عام 1917 في حي العباسية بالقاهرة ورحل عن عالمنا في مثل هذا اليوم عام 2002 عن عمر يناهز 84 عام إثر إلتهاب رئوي.

ذكرى وفاة أحمد مظهر 

وفي ذكرى وفاة أحمد مظهر، يرصد تحيا مصر قصة رفع أولاده قضية حجر عليه والتي روتها مريم فخر الدين قائلة: كان عنده ٣٠ فدان والفدان بمليون جنية فكانوا عايزينهم ، فأنا كمان كان عندي ١٠ فدادين كتبتهم لولادي عشان ميعملوش معايا كده، غضبوا عليه وحبـ.ـسوه ومكنوش بيخلوني اشوفه انا روحت مرة لقيت طليـ.ـقته ، فقالتلي بيقولوا أنك متجوزاه ، قولتلها هو أنا لو متجوزاه هسيبك تحطيه في البدورن؟ دا كنت هاخده بيتي واقعده في البلكونة واخليه يتفرج على الأسد في جنينة الحيـ.ـوانات مش هسيبه.

مريم فخر الدين تروي قصة رفع أولاد أحمد مظهر قضية حجر عليه 

وتابعت، فهي كانت دايما حاسة اني هتجوزه عشان اخد منه ٣ فداين، وكانت هي وولادها بيعاملوني وحش عشان مروحش اشوفه ، وكل ما أروح يقولي أنا عايز سندوتش شاورما ، يعني هما هيخسروا حاجة لو جابوله؟ .. وسمير صبري كان عايز يعمل معاه حوار فقولتله إديه فلوس ، وفعلا عطاه وفرح بيها جداً لأنه مكانش بيشتغل وخدهم حطهم في عِبه ، قامت طليـ.ـقته مدت أيديها وخدتهم منه قدام الكاميرا ، قولتله خلاص هاتله جبن وحاجات لرمضان خدوهم منه ومكانش معاه تليفون اطمن عليه وأخباره انقطعت خالص وكل ما اروح يخبوه مني.

وأضافت مريم فخر الدين عن أحمد مظهر، هما حُرين في ابوهم ان شالله، والله ساعدته ومش أنا لوحدي، نادية لطفي بعتتله حد يخدمه رفضوا!.

ما لا تعرفه عن أحمد مظهر 
 

جدير بالذكر، أنه تخرج أحمد مظهر من الكلية الحربية عام 1938م مع الرئيسين أنور السادات وجمال عبد الناصر، كما شارك في حرب فلسطين عام 1948م واستقال من القوات المسلحة برتبة عقيد وخلع ملابسه العسكرية عام 1956، ثم عمل سكرتيراً عاماً بالمجلس الأعلى لرعاية الفنون والآداب.

فى ذكرى وفاة محمد عبد الوهاب.. إتهم بسرقة اغانية وتغيرت حياته بمقابلة سيد درويش

في ذكرى وفاة مصطفى درويش.. تعرف على أهم الأعمال التي خلدت أسمه

مسيرة أحمد مظهر الفنية

تضمنت مسيرة أحمد مظهر الفنية 135 فيلماً، وأكثر من 20 مسلسل وكان أول فيلم له الإسلام" عام 1951، ويعد فيلم عتبة الستات هو آخر أعماله عام 1994 حيث حزن الوسط الفني لرحيله المفاجئ بعدما أمتع جمهوره بأعماله المميزة والمتنوعة.