تم الاتفاق عليها في إشارة مرور.. كواليس تحضير أغنية الدنيا ربيع

يحل اليوم الإثنين الموافق 6 مايو عيد شم النسيم، الذي يرتبط بالعديد من العادات والتقاليد المصرية، منها أكل السمك المملح، وتلوين البيض، والخروج إلى نزهات، ذلك بالإضافة إلى الاستماع إلى أغنية الدنيا ربيع للسندريلا سعاد حسني من فيلم أميرة حبي أنا.

تفاصيل أغنية الدنيا ربيع

وبالرغم من أن كثير من المصريين والعرب يعرفون أغنية الدنيا ربيع ويرددونها، إلا أن القليل منهم من يعرف كواليس التحضير لها، وإنتاجها من حيث التلحين، وكل ذلك كشفته السندريلا سعاد حسني في لقاء إعلامي نادر لها.

وقالت سعاد حسني في هذا اللقاء عن أغنية الدنيا ربيع، والذي يرصده موقع تحيا مصر: كنا بنصور في اتوبيس نهري وبعدين وأنا رايحة أغير هدومي وأغير تسريحة الشعر بصيت لقيت في العربية اللي جنبي أستاذ كمال الطويل فراحت طقة في مخي أني أقوله يلحن أغنية الدنيا ربيع وهو كان بقاله 8 سنين مبتعد عن المزيكا خالص، فمن العربية وأثناء إشارة المرور ندهت قولت أستاذ كمال عندي أغنية والنبي تيجي تعملهالنا فقالي أغنية ايه قولتله أغنية كذا من تأليف صلاح جاهين والفيلم من إخراج حسن الإمام والموضوع جميل جدا تعالى نحكيلك عنه.

سعاد حسني عن أغنية الدنيا ربيع: خلصت في ليلة واحدة

وتابعت: فمكدبش خبر وقام نازل وحكيناله الموضوع والمشهد بتاع الأغنية فاندمج في الأحداث الموجودة في الرواية، وعرف الغنوة بتتقال في الموقف دا ليه، وبصينا لقيناه وافق ومكناش مصدقين لأنه مبطل بقاله كتير، ومكدبش خبر خد الكلام معاه وكان مسافر اسكندرية، وبعدها بيومين رجعلنا تاني وقعد يلحنها وينقر على الترابيزة عند أستاذ صلاح جاهين وخلصت في ليلة واحدة.

سامي مغاوري: كانوا هيمشوني من فيلم سعاد حسني.. وهذا سر استمراري 50 عام في الفن

عبد العزيز مخيون: لم أخطط في اختيار أعمالي ولم أستمع لنصائح المحيطين بي مثل سعاد حسني

كلمات أغنية الدنيا ربيع

وتقول كلمات أغنية الدنيا ربيع: الدنيا ربيع والجو بديع
قفل لي على كل المواضيع
قفل، قفل، قفل، قفل
ما فيناش كاني وما فيناش ماني
كاني ماني إيه ده الدنيا ربيع
الدنيا ربيع، الدنيا ربيع
الدنيا ربيع والجو بديع
قفل لي على كل المواضيع
قفل، قفل، قفل، قفل
ما فيناش كاني وما فيناش ماني
كاني ماني إيه ده الدنيا ربيع
الدنيا ربيع، الدنيا ربيع
(الشجر الناشف بقى ورور (الله
(والطير بقى لعب ومتهور (كده هو
(الشجر الناشف بقى ورور (الله
(والطير بقى لعب ومتهور (كده هو
وإحنا حنفرفش إمتى أمال
دلوقت ولا في سبتمبر.