بعد تعرضه للإغماء.. نقل شقيق ياسمين صبري للمستشفى

تعرض شقيق الفنانة ياسمين صبري للإغماء، مما أدى إلى نقله للمستشفى وهو ما أعلنه والده أشرف صبري عبر حسابه الشخصي بموقع التواصل الاجتماعي فيسبوك.

والد ياسمين صبري يعلن تعرض نجله لأزمة صحية

وكتب والد ياسمين صبري في منشور يرصده تحيا مصر: ابني الوحيد بلال أغمى عليه ونقلوه المستشفى في أمريكا ودعائي، وتمنياتي له بالشفاء العاجل، ربنا يشفيك يا بلبل.

والد ياسمين صبري يهاجمها

من جانبه، كتب والد ياسمين صبري عبر حسابه الرسمي على موقع التواصل الاجتماعي «فيسبوك»: "بعد ماسمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره.. أصدقاءنا كانوا بييجو البيت بيشوفوها ولما كبرت جيبتلها عربية".

وتابع: "ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها أجمل حفلة ودي صورها.. الكدب ده بيبرر بالنسبة لها سبب عدم حضورها فرح أخوها ولو أب اهتم بفرح ابنه وزعلان أن اخواته ماجوش مش حيهتم ببنته".

واستطرد: "أنا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب أمها لانه حكالي وقالي امها خربت بيتنا".

تصريحات والد ياسمين صبري 

وأردف: واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده.. وحسبي الله ونعم الوكيل. 

ياسمين صبري تكشف أسباب عدم زيارة قبر جدتها

مسلسل رحيل الحلقة 10.. ياسمين صبري تبدأ رحلة الانتقام

لترد عليه صديقة ياسمين صبري قائلة، أنا حاسة بغضب شديد جدًا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي أنت مين، أنت كنت فين، أنت جيبت عربية هههههه، أنت صرفت عليها جنيه أنت تعرف إيه عنها".

وتابع، أنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي".

واختتمت حديثها قائلة: "ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل".