أحمد عبد الحميد: دمعتي قريبة لدرجة إني عيطت في فرحي وامي جمعت كل الصفات الحلوة

حل الفنان أحمد عبد الحميد، ضيف على برنامج gossips والذي يتم عرضه على مواقع التواصل الاجتماعي، وذلك بعد النجاح الكبير والساحق الذي حققه من خلال مسلسل كوبرا بجانب الفنان محمد إمام والذي تم عرضه في رمضان 2024.

أبرز تصريحات أحمد عبد الحميد

ورصد موقع تحيا مصر تصريحات الفنان أحمد عبد الحميد في برنامج gossips والتي كانت مليئة بالمواقف الطريفة وبدايته الفنية وعلاقة زوجته بوالدته، إليكم أبرزها:

أول مرة بحس اني مش واخد على الناس وبعد ما تقابلهم مرة تانية بكون كأني عارفهم من 20 سنة مثلا.

كنت عايز اروح هوليوود واختي كانت مسعداني انها بتدرس هناك في أمريكا فقولت أروح ابقى معاها.

أنا حنين جدا وبغير جدا ودائما عندي مشاعر ودمعتي قريبة وعصبي جدا.

عيطت وأنا بتجوز واتأثرت اوي.

لو بحب الشخص اللي زعلان منه بسامحه بسهولة غير كدة مش بيبقى فارقلي بحطه في جنبه.

مبحبش أخسر الناس عشان كدة صحابي ومعرفي كتير جدا.

من صغري عايز أبقى ممثل وأما كنت بروح اللوكيشن مع والدي كنت بهتم جدا باللي بيعملوه هناك لكن أهلي كانوا شايفني عايز أقلد اللي حوليا وخلاص مشجعونيش أن أخد الخطوة.

اهلي كانوا عايزين أخلص دراستي وبعدها أدخل اللي انا عايزه.

خلصت جامعتي في 9 سنين وكنت شاطر جدا.

أحمد عبد الحميد يتحدث عن قصة حبه

قصة حبي بدأت بالصدفة البحتة، إحنا كنا في عيد ميلاد هنادي مهنا وبشكرها جدا أنها سبب في أننا نتقابل، واتكلمنا مع بعض واستطلطفنا بعض ونزلنا وواحدة واحدة دخلنا في قصة حب.

لسة خايف لحد دلوقتي من الجواز بسبب المسؤولية بس أنا سايبها على الله.

 بخاف من السمك واي حاجة في الماية عندي فوبيا أنهم هيأكلوني زي ما احنا بناكلهم.

العلاقة بين مامتي ومراتي جميلة جدا هي ست كل الصفات الحلوة الي في الدنيا موجودة فيها.

الجواز صعب جدا دلوقتي وربنا يكون في عون اي حد بيعمل الخطوة دي بس ربنا دايما بيبارك وبيرزق.

نهاية حربي أشرس شرير في رمضان.. أحمد عبد الحميد ببدلة الإعدام الحمراء في مسلسل كوبرا

احمد عبد الحميد في مسلسل كوبرا 

ويذكر، أن أحمد عبد الحميد شارك في مسلسل كوبرا إلى جانب كلا من النجوم محمد إمام، مجدى كامل، محمود عبدالمغنى، محمود البزاوى، دنيا ماهر، معتز هشام، وعدد من ضيوف الشرف، وتأليف أحمد محمود أبوزيد وإخراج أحمد شفيق.

وحقق أحمد عبد الحميد نجاح واسع في مسلسل العودة وذلك إلى جانب كلا من النجوم  شريف سلامة، تارا عماد، حمزة العيلى، وليد فواز، عصام السقا، بسنت شوقى، محمد على رزق، ولاء الشريف، محمد رضوان، وأخرين.