مي كساب: جيل كامل طلع مش عارف أني مطربة.. وهذه أعمالي الغنائية الجديدة

فجرت الفنانة المصرية مي كساب، عدة تصريحات حول مشوارها الغنائي وأعمالها الغنائية القادمة، وذلك بعد تألقها في مسلسل العتاولة بطولة النجم المصري أحمد السقا.

مي كساب تتفاجئ بعدم معرفة الجيل الجديد بكونها مطربة

وقالت مي كساب في تصريحات يرصدها تحيا مصر، فجأة لاقيت نفسي ترند وجيل كامل طلع مش عارف إني مطربة ولا عارف تاريخي وأن عندي 4 ألبومات.

أعمال مي كساب القادمة

وكشفت مي كساب أنها تحضر أغنية قطة من كلمات وألحان الشاعر عزيز الشافعي وتوزيع أمين نبيل، وأغنية بصحبة زوجها المطرب الشعبي أوكا وتحمل اسم الأغنية آه يا دماغي ياما وهي من كلماته وألحانه، متمنية أن تنال الأغاني إعجاب الجمهور قريبًا.

تصريحات مي كساب 

وكانت قالت مي كساب خلال لقائها ببرنامج بودكاست بتاع أفلام: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.

وتابعت: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.

وأضافت: عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.

وأوضحت: زينة صديقة ليا من زمان قبل كا نتشهر وهي محترمة وبعتز بصديقتها لكن في أغلبية التصوير هي مكنتش بتكون معانا فيه عشان كدة مفيش حاجة بتجمعنا بيها لكن مفيش مشاكل بينا.

ووجهت مي كساب رسالة شكر لداعميها قائلة: شكرا من جوه قلبي لكل إنسان كان جمبي من أول مرض أبويا لحد النهاردة، وكل حد دعالنا دعوه من قلبه.

وتابعت: حب الناس الصادق الخالي من أي مصالح بكنوز الدنيا وألف حمد وشكر لله على تسخيره لعباده الأوفياء ليا في محنتي الكبيرة دي.

الخميس.. مي كساب تستعد لطرح أغنية بيقولوا قوية| تفاصيل

مسلسل العتاولة الحلقة 27.. مي كساب تقتل صلاح عبدالله وتتزوج من باسم سمرة

وأضافت: أبويا اللي علمني ورباني وخلاني بني آدمة، فقدانه محنة كبيرة قوي.. ادعولي عشان أقدر أرضى بقضاء الله وقلبي يبرد وأقدر أعديها، إنا لله وإنا إليه راجعون.