غادة عبد الرازق تشارك في السباق الرمضاني المقبل 2025 بعمل درامي جديد

كشفت الفنانة المصرية غادة عبد الرازق، عن مشاركتها في السباق الرمضاني المقبل 2025، بعدما تألقت في مسلسل صيد العقارب برمضان 2024.

غادة عبد الرازق في رمضان 2025

وقالت غادة عبد الرازق خلال لقائها مع برنامح ET بالعربي الذي يرصده تحيا مصر: بحضر لمسلسل جديد في رمضان الجاي لسنة 2025.. أتمنى أن يعجب الجمهور.

غادة عبد الرازق في برنامج كلمة أخيرة 

من جانبه، قالت غادة عبد الرازق في برنامج كلمة أخيرة: بحب أخبي كسرتي عشان محدش يشمت فيا، وأنا عموما ست بيتوتية ولحظة الانكسار بختفي أكتر، واللي بيكسرني هو الفشل في الشغل، أعداء ممكن يحاربوني، أو حاجة تمس بنتي أو أهلي، والخيانة، وبتعرض طبعا لأزمات مادية كتير لأني عندي التزامات، ولما بفشل في أي عمل وده دخلي الأساسي، أكيد بيأثر عليا.

وتابعت، التمثيل أثر عليا جدا نفسيا وعاطفيا وكل حاجة انا فشلت في كل حاجة رغم أنه عملي مكانة كبيرة وحققلي نجاح أكبر لكم لا أثر عليا نفسيا لدرجة اني بتعالج عند دكتور نفسي بقالي 35 سنة.

تصريحات غادة عبد الرازق 

وأضافت، مظهري عامل أساسي لنجاحي وحب الناس ليا ويوم ما اخد القرار أن أقعد في بيتنا هبقى أعمل اللي انا عايزاه، لكن طول ما الجمهور مستنيني وبيشوفني لازم ابقى مهتمية بشكلي ومظهري وكل حاجة.

وأوضحت، أنا محاطة بعقارب كتير في حياتي ومقدرش أعيش معاهم حتى لو فيه بيني وبينهم مصلحة، ببعدهم خالص عن حياتي وبعرفهم وبتجنبهم محدش يقدر يضحك عليا.

واستكملت، عندي خلاني اخد قرارات في حياتي وشغلي ندمت عليها، قرارت كانت غلط تماما وضيعت مني حاجات كتير مهمة.

وكانت قالت غادة عبد الرازق: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.

وتابعت، خالد يوسف حالة.. أي واحدة تتمنى إنها ترتبط بيه.. بس إن أنا أتقدم له دي بيتهيألي واسعة شوية.. مش هو اللي لازم يتقدم لي؟ نوعية الراجل اللي أطلبه للجواز نوعية مختلفة”.

غادة عبد الرازق: عمري ما اخترت الراجل الصح اللي اعتمد عليه إلا والد روتانا

رحاب عرفة: غادة عبد الرازق نجمة استثنائية.. ونجاح دوري في مسلسل صيد العقارب فاق توقعاتي| حوار

ولفتت غادة عبد الرازق، مؤخر الصداق بتاعي كان 25 قرش.. وممكن أتقدم لراجل وأطلب منه الجواز.. لكن ما عملتش ده قبل كده.. فكرت فيه أه.. مش هقدر أقول مين بس حد كان أكبر مني في السن مش من الوسط الفني”.