يا كسرة ضهري.. انهيار ميار الببلاوي بعد وفاة عمها

أعلنت الإعلامية والفنانة المصرية ميار الببلاوي وفاة عمها الحاج سيد، وذلك عبر حسابها الرسمي بموقع التواصل الاجتماعي فيسبوك.

ميار الببلاوي تعلن وفاة عمها 

وكتبت ميار الببلاوي عبر حسابها الرسمي بموقع التواصل الاجتماعي فيسبوك في منشور يرصده تحيا مصر: يارب الصبر من عندك في اللي أنا فيه ده تختار لجوارك عمي الحاج سيد أغلى وأحب إنسان ليا في حياتي الضهر والسند نور عيوني عمي حبيبي.. صحبى أطيب قلب في الدنيا  يا وجع قلبي الموجوع أصلا.

ميار الببلاوي تنعي وفاة عمها

وتابعت، اللهم أسكنه فسيح جناتك وتقبله في عليين  يارب اغفر له يارب لا نقول إلا ما يرضيك إنا لله وإنا إليه راجعون.. حبيبي يا عمي سلم على بابا  وعمي عادل  يا كسره ضهري.

أزمة ميار الببلاوي مع أحد الشيوخ

من جانبه، قالت ميار الببلاوي في مقطع فيديو: "النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة وما رضتش أسيبها لوحدها، وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس".

وتابعت ميار الببلاوي: ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِ جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنتي قلتيه مع بسمة)، لكن ما حدش فكر أنه معمول مونتاج علشان يطلع تريند ونص الكلام مقطوع.

وأضافت ميار الببلاوي: لما سمعت الفيديو، لقيته بيقول عليا إني باخد كل راجل ليلتين وإني ببوظ شكل الدعاة، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك، سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي!

وأردفت، المأساة بدأت من حلقة (العرافة) مع بسمة وهبة، وسيبكم من اللي حصل في الحلقة، لكن أي حد بيقول أي حاجة عادي بتعدي لكن ميار لو فتحت بقها الناس كلها تسن عليها السكاكين، ومحدش فكر أن ابني راجل، وابني في وسط الرجالة وصحابوا وشغله شكله هيكون إيه، وابني مش بيكلمني من 22 رمضان، من وقت ما الحلقة طلعت وقافل على نفسه اوضته ومش بيكلمني وانا ما طلعتش غير بابني، كمية المونتاج اللي معمولة في الحلقة فوق ما تتخيلوا، والحلقة اتذاعت وياما حاجات بتنزل وتعدي، ووقتها كنا في رمضان ومعنديش استعداد ابص لحاجة ولا اضيع صلاتي وأنا بخاف من ربنا بشكل مش طبيعي.

بيقول باخد راجل كل ليلتين.. إغماء ميار الببلاوي في بث مباشر لهذا السبب

بسمة وهبة ترد على تصريحات ميار الببلاوي: بتفضحي نفسك عشان التريند

واستكملت، كنت مبلمة في الحلقة مع بسمة وهبة، وكان كل همي أقلب التربيزة وأنا بحترم نفسي، وعارفة بسمة خلوقة وطيبة وصاحبتي من أول ما لبسنا الحجاب مع بعض، لكن مش عارفة هي عاملة سيستم للبرنامج ولا إيه.

وأوضحت، أنا شبعت ظلم ومحدش اتظلم قدي، والمشكلة أني كنت راضية باي حاجة وظلموتني في مليون موضوع وتوصل لحد شرفي وعرضي وشرف ابني وشيخ يقول أني زانية، أنا معايا ماجيستير في الفقة المقارن ودكتوراه وبرامج دينية وبحتسبها تكون عند ربنا وفي ميزان حساناتي وأنا أم رجل وزوجة رجل وست صعيدية حرام عليكيم قطعتوني، وإخواتي مبقوش يكلموني وابني مش بيمكلني وصاحبة القناة زعلانة مني، والدنيا مولعة عليا، بقول يا رب انا معملتش حاجة غلط ولو زي الستات اللي بتمشي في الحرام ماكنش اتجوزت على سنة الله ورسوله، حرام عليكم من عاب ابتلى.