بعد انخفاض البصل إلى 5 جنيهات.. اعرف افضل طريقة لتخزين البصل لمدة عام

أيام قليلة ويبدأ موسم تخزين البصل، ويشهد هذا العام انفراجة كبيرة في أزمة محصول البصل بعد انخفاض أسعاره ووصوله الي 5 جنيه لسعر الكيلو  مقارنة  بالعام الماضي، ووصول البصل إلي قفزات كبيرة في أسعاره التي وصلت إلي 50 جنيه للكيلو، ليعاود البصل الهبوط مرة أخري مع بداية موسم الحصاد الجديد هذا العام والذي بدأ منذ بداية السنة، خاصة بعد قرارات الحكومة الفترة الماضية بشان تعليق تصدير البصل للسوق الخارجي، هذا بالإضافة إلي زيادة المساحات المنزرعة للبصل هذا العام والتي وصلت إلي 300 الف فدان بعد اتجاه المزارعين لزراعته لتحقيق مكاسب وارباح مضمونة بعدما أصبح الحصان الرابح المزروعات العام الماضي.

موعد بداية موسم تخزين البصل

ويعتقد البعض بدء موسم تخزين البصل، إلا أنه غير صحيح، حيث سيبدأ تخزينه بعد 20 يوما، لان ليس كل انواع البصل تصلح للتخزين، فما يسمي بالبصل المقور ليس للتخزين والذي يكون بصل مزرع وطري، وانما البصل الفتيلة الاحمر والابيض يصلح للتخزين وذلك بعد تعرضه للجفاف حتي يكون ناشفا وليس طريا.

افضل طريقة لتخزين البصل لمدة سنة

ونقدم لكم نصائح احدي ستات البيوت والتي انتشرت علي مواقع التواصل الاجتماعي لافضل الطرق الصحيحة لتخزين البصل لمدة عام دون تعرضه للتلف: 

اولا: لازم تنقي البصلة الناشفة المدورة، وان يكون عنقودها جامد وغير طري.

ثانيا: لو جبتي البصل اخضر من العربية،هتسيبيه في البلكونة ينشف،بس الستارة تكون مقفولة، ياخد صهد الشمس، من غير كالشمس تكون ضاربة فيه،ولو مفيش بلكونة، يبقي علي السطح أو الروف، في أي مكان ضل مفتوح عشان ينشف البصل وميضربش .

ثالثا: هاتي اقفاص زي اقفاص الطماطم أو سبت من بتاع المواسم، وبعد ماينشف البصل تنضيفه كويس ونقي الصغير خالص وحطيه في قفص لوحده والقفص التاني حطي فيه البصل الوسط والقصف التالت حطي فيه البصل الكبير .

 رابعا : هنرص الاقفاص فوق بعض في البلكونة في الركن البعيد الهادي، 

القفص اللى فيه البصل الكبير وده لاخر السنه وفوقه البصل الاوسط وده هاستعمله بعد مخلص الصغير كله واقضى عاليه نهائى، لان البصله الصغيره لما بتفضل شويه بتضرب وتبوظ والوسطنيه على اخر السنه بتفرغ يابتزرع ، يبقى الكبيره هيا اللى بتستنا معانا لاخر السنه فا هانستعملها فى الاخر ،وبكده اكون حافظت على البصل بتاعى سليم لاخر بصله .

ومن ناحيته ،توقع حسين ابو صدام ،نقيب الفلاحين، استمرار انخفاض أسعار البصل خلال الفترة المقبلة، وذلك بالتزامن مع استمرار موسم الحصاد والذي يمتد الي شهر يونيو والذي يعد أهم اوقات موسم الحصاد لإنتاج بصل التخزين من الاحمر والابيض والذي يسمي ب " الفتيلة"، مشيرا إلي أن مايطرح في الأسواق في بداية الموسم لايصلح للتخزين ويسمي بالبصل " المقور" والذي يصلح للطبخ والاغراض الصناعية مثل تصنيع البصل البودر.