منى العمدة لتحيا مصر: محمد رمضان نموذج ناجح وعمرو أديب نمبر وان الإعلام

فتحت الإعلامية منى العمدة قلبها لموقع تحيا مصر في لقاء بينهم بعد العودة إلى الساحة مرة أخرى منذ أزمتها التي عرفت بأزمة "العاصمة الإدارية والصوت الشتوي"، فكشفت العديد من التصريحات الخاصة بالرجل والمرأة ورأيها في عدد من النجوم.

منى العمدة تكشف تفاصيل أزمتها مع الصوت الشتوي 

بدأت منى العمدة حديثها لموقع تحيا مصر بالحديث عن أزمة العاصمة الادارية والصوت الشتوي حيث قالت: ناس على السوشيال ميديا أخدت جزء من الحلقة وشيروه وقالوا هو ده الصوت الشتوي احنا لاقيناه خلاص.. وصادف الموضوع مع تصريحات ياسمين عز عن الصوت الصيفي والشتوي.

منى العمدة:  الست المصرية قادرة وليا فكر خاص بيا بعيدا عن ياسمين عز ورضوى الشربيني 

وتحدثت منى العمدة عن علاقة الرجل بالمرأة، قائلة: الست المصرية قادرة.. بتشيل بيت وتربي وتنزل الشغل وفي آخر اليوم تكون أنثى لزوجها.

وعن رأيها في رضوى الشربيني وياسمين عز، قالت منى العمدة: الاتنين حبايبي بس بسمع في الحتة دي كلام منى العمدة أنا ليا فكر خاص بيا، الاتنين لو مش كويسين العلاقة هتفشل، مفيش راجل وحش وست كويسة ومفيش راجل قمور وست ظالمة لازم الاتنين يكونوا كويسين عشان العلاقة تنجح يوم ما العلاقة تفشل اعرف أنه مفيش توافق.

منى العمدة للسيدات: اشتغلي أي حاجة ومتقعديش في البيت تربي العيال 

ووجهت منى العمدة نصيحة للسيدات: اشتغلي اي حاجة في الدنيا، يوم ماتشتغلي هتكوني ست قادرة زي ما بقول لكن يوم ما تكوني في البيت ومنكسرة وتربي العيال وده كل طموحك هتربي العيال وهو هيتجوز واحدة تانية.

وتابعت: الست أما بتطلع من البيت بتهتم بنفسها أكتر سواء محجبة أو بشعرها بتبقى عندها باور وبتنور ويسلام لو نجحت في الكارير بتاعها هتبقى منورة أضعاف وهتكون مثقفة وهتربي العيال تربية ناجحة وسليمة مش هتبقى فاضية للراجل تنكد عليه.

بحب واحدة بقالي 7 سنين وبغسل السجاد لأمي.. أبرز تصريحات السيد أسامة الشهير بـ ميكا

منى العمدة: أنا متجوزتش ومحمد رمضان نموذج ناجح 

وأكدت منى العمدة في لقاءها بموقع تحيا مصر أنها غير متزوجة: انا مش متزوجة ومتجوزتش قبل كدة  ويوم ما هتجوز هعلن، هعمل فرح كلكم معزومين فيه هعمله 7 ليالي.

وقالت أيضا: لو عملت حلقة فنية هختار نماذج ناجحة زي محمد رمضان، نموذج ناجح أول ما طلع كان عنده ثقة في ربنا كان بيقول ثقة في الله نجاح من قلبه، قابل تحديات كتير وفهم ازاي يعمل ماركتينج لنفسه محمد رمضان زكي بيعرف يخلق لنفسه التريند الخاص بيه، وياسمين صبري ست ناجحة، وعمرو أديب نمبر وان في مجال الاعلام.