في ذكرى ميلاد سناء جميل.. قصة زواجها من لويس جريس

تحل اليوم السبت الموافق 27 أبريل ذكرى ميلاد سناء جميل الفنانة الكبيرة، فهي من مواليد عام 1930 في مركز ملوي التابع لمحافظة المنيا وانتقلت بعدها إلى القاهرة رفقة أسرتها.

ذكرى ميلاد سناء جميل 

وفي ذكرى ميلاد سناء جميل، يرصد موقع تحيا مصر قصة زواجها من لويس جريس الذي رواها أحد المتابعين قائلًا: زواج لويس جريس من سناء جميل كان سريع قوي وتفاصيله سريعة ومخدتش وقت .. المهم انه في وقت قصير جداً لويس جريس لقى نفسه متجوز من سناء جميل.. لدرجة أن المعازيم كانو وردية عمال مطبعة روزاليوسف ومفيش اي حد من عيلته غير اخوه الكبير فايز جريس المحامي وصديقه صموئيل حنين آدم حنين بعد الإسلام النحات والمثال العالمي ودول كانو شهود على عقد الزواج أو الأكليل.

زواج سناء جميل من لويس جريس 

وتتضمنت قصة زواج سناء جميل الكثير من التفاصيل،فتابع الراوي في ذكرى ميلاد سناء جميل: ولولا أن الكنيسة اشترطت على لويس أن الزواج لازم يكون على أعين الشهود مكانش اضطر أنه يجيب وردية عمال مطبعة روزاليوسف وكان اكتفى بأخوه فايز جريس وصديقه آدم حنين.. المهم أن لويس بيحب ياخد قراراته ببطء وتروي وتأني شديد.. ف فجأة لقى نفسه متزوج من فنانة كبيرة ومشهورة وكانت وقتها سناء لسه عاملة فيلم بداية ونهاية ف كان صيتها ذايع قوي ونجمها في العالي.

في ذكرى ميلاد سناء جميل.. كيف ساعدها زوجها على النجاح؟ 

وعُرف عن زوج سناء جميل أنه لم يستغلها، فأضاف الراوي: وهو مكانش يحب أبداً أن اسمه يرتبط بيها ولا يعلى باسمها أو صيتها.. لانه كان صحفي مجتهد وبيحاول يعمل اسمه بنفسه وعنده طموح كبير.. ف بعد م اتجوز إصابته حالة من الفزع اللي هو ايه اللي عملته في نفسي ده طب كنت خدت وقتي وفكرت شويه.. ف بقى دايماً شارد وسرحان ومش مركز.. مين بقى اللي لاحظ الحكاية دي؟! الشاعر الكبير صلاح جاهين.. ف راح خد لويس على جنب وزعق فيه جامد قاله فوق يا لويس في ايه انت اتجوزت ممثلة عظيمة وست البنات.. بنت قوية وعملت نفسها بنفسها مالك في ايه!.  وخد بالك بقى مصير هذه الممثلة العظيمة ومستقبلها كله بين ايديك انت.. يعني انت اللي هتخليها ممثلة أعظم أو هتخليها لا شئ.. لويس فضل فاكر الجملتين دول وحاتطهم في دماغه وماشي بيهم لحد اخر يوم في عمره وفعلا عمل كل اللي يقدر عليه عشان يساعد سناء أنها تبقى سناء جميل أعظم ممثلات السينما والدراما والمسرح.. واصدقهم واكثرهم إنسانية.

في ذكرى ميلاد هالة فؤاد.. أحمد زكي حاول الانتحار بسببها وماتت بسرطان الثدي

ذكرى ميلاد إحسان القلعاوي.. نشأت في عيلة فنية وعرفت بدور زنوبة

وساعد زوج سناء جميل الفنانة على النجاح، وكان لما حد يعرفه بأنه زوج الفنانة سناء جميل ويتجاهل تماماً تاريخه الصحفي وتاريخه كمترجم وكأستاذ كبير ومدرس بالجامعة الأمريكية.. كان يفرح قوي وكأن سناء إنجاز لا يقل أهمية عن كونه صحفي وأستاذ ومترجم