إيهاب صالح مدير أعمال شيرين عبد الوهاب سابقًا يعتزل مهنة مدير الأعمال ويعمل بنادي بيراميدز

أعلن إيهاب صالح مدير أعمال المطربة كارمن سليمان ومدير أعمال الفنانة شيرين عبد الوهاب سابقًا، عن إعتزاله مهنة إدارة الأعمال وذلك بعد إعتذاره عن إدارة أعمال كارمن سليمان.

إيهاب صالح يعلن اعتزال إدارة الأعمال 

وكتب إيهاب صالح تغريدة عبر حسابه الشخصي على موقع التغريدات إكس ورصدها موقع تحيا مصر، وكتب قائلًا: "التغريدة دي بقى عني أنا شخصيًا و عن اللي كنت بمر بي و نفسيتي و شوية حاجات كده قررت إني أغيرها في حياتي و أولوياتي". 

وأضاف: "كنت بفكر أكتبها في صيغة بيان لكن مش عارف الصيغة اللي تحت دي تعتبر إيه ، بعبر عن نفسي و احساسي يمكن براحتي شوية، ملهاش علاقة بالنجوم اللي اشتغلت معاهم".

إيهاب صالح: كنت بمر فترة مش لطيفة على المستوى النقسي والمعنوي 

وكان إيهاب صالح أعلن ذلك بمنشور كتب حيث قال: الفترة اللي فاتت كنت بمر بفترة مش لطيفة خالص على المستوى النفسي و المعنوي و بعاني صحيًا و أرق في نومي و حاجات كتير كدهمش لطيفة خالص و ده عكس طبيعتي تمامًا و دماغي.... أخرج من الحفرة السودة دي إزاي، سألت نفسي هي طالبة إيه عشان أكملبنفس طاقتي اللي متعود عليها ؟".

وتابع: "بعد تفكير و إعادة ترتيب ل اولوياتي قررت إني أخد كام قرار مهم و ضروري، أولهم إن شغلانة إدارة اعمال الفنانين دي مش ملعبيوال دماغي أو المفهوم بتاع الـ Management Artist في الوطن العربي غير متناسب مع طموحي و فكري جو حجز حفلات،أفراح و إعلانات و تاخد نسبة من ده و شكرًا على كده و كل من هب و دب يجود و يعمل فيها صانع نجوم عشان النجم اللي معاه'بينحت' و شغال علي كاتالوج بستايل أغاني 2003 و بتشغلوا اليڤ حلو تبقى الليلة متعشية كدة و فل قوي مش إدارة اعمال خالص".

وأوضح: "دي إدارة حجوزات و شغل سكرتارية من الآخر غلطة من الغلطات اللي بعملها كتير في حياتي إني أكون فاكر إني ممكن أقدم جديدفي ملعب متهالك خايف من التغيير و بيقنع نفسه انه لعيب في ملعبه و مجاش زيه".

وأضاف إيهاب صالح: "إنت مش شايف خالص إن ساحة المزيكا إتغيرت عالميًا ؟ كل همك تعمل لسه ستاياليا أو مقسوم؟  الحمد لله أنا حد بعتبر نفسي بعد 20 سنة اعالم أن ليا وضع و حجم معين و مش حابب اهز ده قدام نفسي خالص بأي شكل و بكل ثقة أقدر أقول إني فاهم ودن اللي بيسمع ومواكب طول السنين دي نوعًا ما، ربنا كرمني الحمد لله و فعلًا إشتغلت مع نجوم مفيش جدال أبداً على قيمة فنهم و بحبهم و وبحترمهم جدًا جدًا و بتبسط بنجاحهم حتى لو أنا مش معاهم... وبحمد ربنا جدًا على نعمة كلمة 'ال' في وقت كلنا بنجري ورا كل جنية عشان أكل العيش و عيالنا و صعب جداً تقول قدام شوية فلوس حلوة كلمة ال دي كانت تجربة لطيفة بالنسبالي وكسبت فيها ناس و خبرة ال تقدر بثمن لكن مش حابب أكررها و لو في يوم هعملها تاني يبقى أعملها بمفهومها الصح اللي يتناسب مع قناعتي، دماغي و اللي يستاهل وجريء و يخرج عادي من الzone comfort بتاعه".

إيهاب صالح: هكمل مسيرتي في بيتي التاني نجوم إف إم

واستكمل: "القرار التاني إني أكمل مشواري في عشقي االساسي... الراديو...بيتي... نجوم إف إم... أكمل مسيرة أهي بقالها 20 سنة من بدايات نجوم إف إم و دايمًا أقبل التحدي و التغييرات و أكون السباق في التجديد و أقف جنب الجيل اللي طالع و بعد اللي طالع كمان".

وأردف: "لسه مش هستسلم إني أكون دقة قديمة و افضل افاجئكم، فيا شوية نفس حلوين لسة إن شاء لله القرار الثالث إني أنجح في تحدي أنا مبسوط بي فوق الوصف و حابب قوي ادخل في عشان عشقي بعد الراديو و المزيكا أكيد الكورةزي 90 ٪ من الشعب المصري".

وأشار: "أنا بقالي شهور حاليًا حزء من إدارة نادي بيراميدز و ماسك إدارة التفاعل الاجتماعي و شغال على شويةحاجات مختلفة تجمع بين شغلي في العالم و الشركات العالمية في مجال التواصل الاجتماعي مع عشقي للكورة هتشوف النور قريب قوي قوي إن شاء لله حابب عيلتي الجديدة في النادي و فريق عمل خلف الكواليس اكتر من محترف و محترم، بيئة شفل صحية تقدرتخليك تنتج و تنجح بسهولة و ده طبعًا بعد توفيق ربنا".

مدير أعمال شيرين سيف النصر: كانت عايزة تظهر تاني وفيه مشاريع فنية بنحضرلها

إيهاب صالح: شكرا لكل الناس اللي وقفت في ضهري ودعمتني

واختتم إيهاب صالح: "شكرًا جدًا من كل قلبي لكل الناس اللي وقفت في ضهري طول السنين دي، دعمتني، وثقت فيا و استحملتني عيلتي ، اداراتي، كل اللي علموني، صحابي و طبعا الجمهور اللي من اول يوم داعم كبير جدا ليا. من بائع اجهزة ترجمة و تخبيط علي الشقق و وتنطيط من منطقة لمنطقة سنة ٩٦ ل الحمد هلل اكبر نعمة و فضل من عند ربنا المكان اللي انا في دلوقتي. قول لنفسك دايمًا إن كل يوم في حياتك العملية هو أول يوم، اوعى تريح أو تفقد الشغف".