مي فاروق: الحاجات اللي حصلت بعد خطوبتي مزعجة

حلت المطربة مي فاروق ضيفة على بودكاست أبواليزيد بيقول مع الصحفي أحمد أبو اليزيد، وتحدثت خلال البودكاست ولأول مرة عن مشوارها الفني وكيف واجهت صعوبة في بداية مشوارها وتعرضها للظلم والهجوم، وعلاقتها بوالدها، وعلاقتها بالفنانة أنغام.

مي فاروق: مش عارفة اقتنع أن الفنان ملكية عامة 

 وتحدثت مي فاروق، عن خطوبتها بالفنان محمد العمروسي وردود فعل بعض الناس على هذا الارتباط، والذي أزعجها، فقالت في تصريحات رصدها موقع تحيا مصر:  عندي مشكلة في اللي يتكلم عليا كشخص وهو ميعرفنيش .. ومش عارفة لسة أقتنع إن الفنان ملكية عامة فحياته كمان ملكية عامة..خصوصا إن أنا من الناس اللي بتتطلع تحكي عن تفاصيل حياتها.. الحاجات دي محدش يعرف فيها عني حاجة.

مي فاروق: اللي حصلي بعد خطوبتي مزعج 

وأضافت مي فاروق، خلال حديثها في بودكاست أبو اليزيد بيقول:  "مؤخرا بما إني شخص بقيت الحمدلله ليا عدد محترم من الجمهور المحترم .. فأعلنت إن أنا ارتبطت يعني اتخطبت .. كل الحاجات اللي حصلت بعدها بقت بالنسبة لي من الحاجات المزعجة .. انتوا بتعملوا ايه .. هي مش كده .. أولا انتوا متعرفوش تفاصيل الموضوع  .. متعرفوش تفاصيلي ومتعرفوش حياتي .. متعرفوش حاجات كتير .. متعرفوش حاجة أصلا.

مي فاروق تتحدث عن جدل فرق العمر بينها وبين محمد العمروسي 

وكانت قد تحدثت مي فاروق في وقت سابق أن جدل فرق العمر بينها وبين محمد العمروسي، قائلة: احنا معملناش حاجة غير إننا أعلنا للناس إننا ارتبطنا، فجأة وأنا قاعدة في البيت وبشوف الأخبار اللي بتتكتب وكلها مش صح حسيت أن أوحش حاجة في الدنيا لمجرد أن تطلع تريند أو تعمل مشاهدات تأثر على حد أو تتكلم على حد بشكل مش مظبوط أو تقول خبر مش مظبوط عشان مشاهداتك تبقى أعلى.

محمد العمروسي يتعرض لأزمة قلبية بعد احتفاله بخطوبته على مي فاروق

تشويه ألحان التراث.. هجوم على حفل مي فاروق بموسم الرياض

وتابعت مي فاروق: دي حياة وإحنا بني آدمين شفت كل اللي حصل من بعد إعلان الخطوبة حاجة مش حلوة وقعدنا نهزر على فيسبوك على موضوع السن وفي الآخر والأول الناس ملهاش دعوة بحاجة والحمد لله ربنا يوفقنا وأتمنى أني أكون عند حسن ظن الناس دايما في شغلي والناس تتعلم تفرق بين شغل الفنان وحياته لإني من الناس اللي مش بتحب تتكلم عن حياتها الشخصية.