بعد انخفاض سعره.. عمرو أديب يكشف عن شيء خطير موجود في رغيف الخبز
ADVERTISEMENT
علق الإعلامي عمرو أديب ، خلال برنامج "الحكاية" المذاع عبر فضائية "إم بي سي مصر"، على انخفاض سعر الخبز قائلا :" الشعب المصري هو شعب العيش، والخبز مهم جدا له".
أديب: عدد مفتشي التموين في مصر رقم يضحك
وأضاف أديب ، بالقول :" الأسعار جعلت التجار يقللوا من جودة كثير من المنتجات، ويجب أن تنظر الدولة باهتمام شديد لهذا الأمر، وتهتم بمستوى الخبز، والرغيف يجب أن يعود جيدا، ونهتم بجودته.
وتابع: "اهتموا بالجودة، الأمهات بيشتكوا من رغيف الفينو بعد شوية بيكون شكله حزين، مبيتفتحش وريحته فيها حاجة، معقبا :" عدد مفتشي التموين في مصر رقم يضحك".
وشدد أديب، على ضرورة تحسين جودة الخبز السياحي خاصة بعد بتراجع أسعار الدقيق والاتفاق على تسعير محدد للرغيف، معقبا:" إحنا كنا في أزمة طاحنة ودلوقتي الاقتصاد المصري بدأ يتنفس، معندكش الزنقة بتاعة إنك عايز تدبر قسط أو قلقان من توفير سلعة".
وأكمل:" المهم إنك مش تبتدي ترجع للكمية والسعر ولكن للجودة، أنا عايز أتكلم عن الجودة في الخبز أو العيش، الشعب المصري يأكل عيش، يجب أن تنظر الدولة بالاهتمام الشديد، يجب أن تهتم الدولة بمستوى الخبز الرغيف يجب أن يعود جيدًا".
أديب: يا جماعة شوية جودة في الخبز
وواصل حديثه: "إحنا دلوقتي في إطار إننا بنعود مرة أخرى للنظر إلى الكواليتي، الكواليتي بتاعت العيش مهمة جدًا، واللي بطلبه الناس اللي بتنتج العيش تنتج عيش جيد لإن هذا الأمر فارق جدًا مع المواطن، يجب رقابة هذا الأمر بشكل مهم".
وأكمل: "يا جماعة شوية جودة، الأسعار خلت التجار ينقصوا جودة حاجات كتيرة، لازم نرجع تاني إنه يبقي فيه جودة للمواطن، الحاجات دي بديهية، أنا عايز آخد رغيف أعرف أكله ".
وأضاف :"الدولة بتجيب دقيق محترم بسعر جيد، وأنت واخد السعر اللي إنت عايزه، إحنا عايزين نبتدي نرجع تاني، قليل أوي الناس اللي بتكلم عن الجودة، لازم نرجع تاني للجودة يا جماعة، معقبا:" أنا من مدمنين العيش وبقف في الشارع اشتري عيش وأنقي عيش".
أديب: الأمهات في البيتوت بيشتكوا من الرغيف الفينو
وأنهى بالقول : "الأمهات في البيتوت بيشتكوا من الرغيف الفينو، ده إنه بعد شوية مبيتفتحش، إنت واخد حقك وسعرك راضي ودقيقك تمام، مفيش دولة بتشتكي من مستوى العيش غيرنا".
جوجل نيوز
تطبيق نبض
