ناقد فني يتهم حسن شاكوش بسرقة ألحان أغنية قنبلة الجيل من حماقي

أوضح الناقد الفني أكرم ناجي سرقة ألحان أغنية قنبلة الجيل لـ مطرب المهرجانات حسن شاكوش ضمن أحداث مسلسل العتاولة في رمضان 2024، من أغنية حضن عنيك.

أكرم ناجي يوجه اتهام لحسن شاكوش 

وقال أكرم ناجي في تصريحات يرصدها تحيا مصر: أغنية قنبلة الجيل نجحت في رمضان 2024 ومن أهم أسباب نجاحها طرحها ضمن أحداث مسلسل العتاولة، وعاملة شغل حلو على تيك توك، ولما سمعت الأغنية خدت بالي أن الجملة دي سمعتها قبل كده.

مفاجأة حول أغنية قنبلة الجيل 

وأضاف: قلت مين حبيب شاكوش غير حماقي.. هو اللي نجحه وصيته من وقت أغنية بنت الجيران وخلاه في حتة تانية، لما برضه شاكوش سرق ألحان أغنية بنت الجيران من حماقي، فضلت أفتكر لحد ما جبتها واكتشفت إنها أغنية في حضن عنيك، وكنت مستغرب إن الأغنية نجحت.

وتابع: أنا مش ضد شاكوش ولا عمر ولا حمو ومش بهاجم ولا بروش، لكن أنت لو بتعمل شكل معين وهو شكل المهرجانات فأنت داخل في مرحلة الممل.. اطلع بلحن جديد أو أي حركة.. لكن الاستستهال عبث بصراحة.

تصريحات أكرم ناجي 

وأضاف، من تلات سنين مفيش أغنية ليهم هما التلاتة ضربت زي الأغاني اللي فاتت، وده بيدل على حاجات كتير أوي وسبق وقلت أن الناس هتمل من الرتم الواحد وهيكون فيه حاجات أحلى وأجرأ لكن الأسلوب اللي هما شغالين عليه مش هيستمر.

سب وإلغاء المقلب ومحاولة صلح فاشلة.. أبرز لقطات حلقة حسن شاكوش وطليقته مع رامز جلال

احنا نرمي الشهادات في الزبالة.. غضب الجمهور من حسن شاكوش وبيكا وعمر كمال لهذا السبب

وتقول كلمات أغنية قنبلة الجيل للفنان حسن شاكوش:

يا حلو ياللي الجمال
دقدق على بابك
رد على اللي منك
ما انا برضه من احبابك

قنبلة الجيل
اللي بتلعب عاللي يشيل
شيّلت الكل على المشاريب
خدت لقطة من المشاهير

سيدة الارض
كل اللي يشوفها بيتخض
مشيتها بتتحول عرض
للي تمامها تدوس على الارض

ملكة عصرها كله بيحلم يوصلها
ياما حاولو ما بقوش ربعها
دي اللي بتسحرنا بسحرها
تحت الاضواء
دي الحلوة في كل الاجواء
هي النادي وانتوا الاعضاء
دي بتعجب من غير اغراء

انتي وبس يا نن عيني
من نظرة بتفهميني
لما احتاجك بلاقيكي
اول واحدة بتسمعيني

انتي شبهي انتي لوني
لون عيونك لون عيوني
انتي توأمي وروحي
في اي حته بتشرفيني

قنبلة الجيل
قنبلة الجيل

اختي وصاحبتي
هي وبس سبب فرحتي
اللي في وقت الحزن تيجي
بسببها بترجع ضحكتي

هي الجوهرة
في البيت عسلية مسكرة
هي اللي بقلبي منورة
انتي القمر اللي بحبها

احلى الحلوين
انتي وبس يا نور العين
احلى عروسة والناس شايفين
عِشرة عمري سنين وسنين

اختي الجدعنة
اللي مافيش منها وربنا
هي رقم واحد عندنا
هي اللي مفرحه قلبنا

انتي وبس يا نن عيني
من نظرة بتفهميني
لما احتاجك بلاقيكي
اول واحدة بتسمعيني

انتي شبهي انتي لوني
لون عيونك لون عيوني
انتي توأمي وروحي
في اي حته بتشرفيني

قنبلة الجيل
اللي بتلعب عاللي يشيل
شيّلت الكل على المشاريب
خدت لقطة من المشاهير
قنبلة الجيل