على أنغام أغنية متغاظين.. محمد رمضان يحلق شعره في طائرته الخاصة

أثار الفنان المصري محمد رمضان جدلًا واسعًا، بسبب مقطع فيديو له نشره عبر حسابه الرسمي بموقع تبادل الصور والفيديوهات القصيرة إنستجرام.

محمد رمضان يحلق ذقنه بالطائرة

وظهر محمد رمضان في الفيديو الذي يرصد تفاصيله تحيا مصر وهو يحلق شعره على أنغام أغنية متغاظين، وذلك داخل طائرته الخاصة، وعلق عليه قائلًا: بنحلق في الجو.. نعيمًا.

محمد رمضان مع معتز الدمرداش

على الجانب الآخر، قال محمد رمضان في لقاءه مع معتز الدمرداش: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

واستطرد، الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

محمد رمضان يتحدث عن أشقاءه

وأردف: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

ولفت، أبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي، وحي القصبجي اللي اتولدت فيه كان 8 بيوت في المربع السكني وحوالينا زراعة، كانت منطقة ريفية بنسبة 70% وشعبية 30%.

أحمد داش: محمد رمضان الدنيا معاه سهلة وأنا مرتبط

محمد رمضان يكشف سبب عدم مشاركته في رمضان 2024 ورده على تشبيه جماهيريته بالعندليب

واستكمل محمد رمضان: كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل أن لو مشيت في نفس الطريق اللي قدامي هوصل للهرم.