عبدالناصر زيدان: الشيطان لو تاب رامز جلال مش هيتوب.. وأنا أحسن منه

حل الإعلامي الرياضي عبد الناصر زيدان ضيفًا على بودكاست "Restart" مع الإعلامية داليا المتبولي وكشف عن تفاصيل إصابته بالكسر في ذراعه أثناء استضافته في برنامج "رامز جاب من الآخر" وعن تطورات حالته ولجوئه إلى القانون.

عبد الناصر زيدان: إكتشفت من خلال الرنين المغناطيسي إنه كسر كبير ويستوجب 6 شهور تعليق دراعي

وأضاف: "إكتشفت من خلال الرنين المغناطيسي إنه كسر كبير ويستوجب 6 شهور تعليق دراعي وعملية ممكن تكون خارج مصر".

وتابع: "آخر أشعة عملتها من أسبوع وبدأ التئام العظام، ولكن هفضل معلق دراعي لمدة 3 شهور، وهعمل اشعة كل 10 أيام، والجرح مضايقني على المستويين الشخصي والإنساني".

وأوضح: "تطورات حالتي الصحية خلتهم عايزين يرضوني بأي طريقة، تاني يوم ادوني 35000 درهم على أساس إن الأمور بسيطة ولكن الوضع صعب".

عبد الناصر زيدان لـ تحيا مصر: هطلب مليون دولار تعويض من رامز جلال وسجلت أجمد حلقة في الموسم كله (فيديو)

عبد الناصر زيدان لـ تحيا مصر: هرفع قضية على رامز جلال في الإمارات وحصلت على 150 ألف جنية في الحلقة (فيديو)

عبد الناصر زيدان: تطورات حالتي الصحية خلتهم عايزين يرضوني بأي طريقة وإدوني 35000 درهم

واستكمل: "في دبي في مكتب قانوني اتفقنا معاه وهنرفع قضية، ولأول مرة بقول أنا والفنانة سمية عبد الخشاب متضامنين واتفقنا على كده هيكون في قضية في دبي وفي مصر هيكون مكتب المستشار مرتضى منصور وأنا كنت قاعد معاه وإتفقنا وظبطنا كل حاجة وهما دلوقتي بيدرسوا الأمور وإن شاء الله هيكون في بيان من المستشار مرتضى منصور".

وتابع: "وأنا اللي كلمت مرتضى منصور وكلف المحامي أستاذ محب صلاح من مكتبه تواصل معايا وأنا بشكر جدًا الأستاذ محب صلاح على الشهامة والرجولة اللي شايفها منه وهو إبن أخت مرتضى منصور"، موضحًا: "والقضايا في دبي ومصر وأنا طالب مليون دولار".

وأضاف: "أنا سكت وتصالحت من أول دقيقة والأستاذ أبو المعاطي لما فاق قال ده آخر واحد أجي معاه، والأستاذ أبو المعاطي طول عمره راجل عاطفي وحساس".

عبد الناصر زيدان: مفيش أي شخص سأل عليا بعد مقلب رامز جلال 

وقال عبد الناصر زيدان في تصريحات عبر بث مباشر لموقع تحيا مصر، مفيش أي شخص سأل عليا بعد مقلب رامز جلال، ومهيب عبد الهادي رفض يكلمني يعتذرلي، وكلمني أول ما إدارة القناة أتكمت معاه، وبيقولي أحمد ربنا أننا وافقنا نطلعك مع رامز جلال.

وأضاف عبد الناصر زيدان، أنا لا احتاج للظهور مع رامز جلال وأنا نجم كبير، ولا احتاج لفلوس رامز جلال، وبطالب بتعويض 100 مليون دولار بسبب ما حدث لي في برنامج رامز جلال سبب عدم التقدير منهم، وبعد ما انتهينا من تصوير الحلقة لم يظهر أي شخص منهم نهائيا حتى أبو المعاطي زكي.