شقيقة سيرين عبد النور تروي معاناة والدتها مع السرطان: السجائر سم هاري

كشفت سابين عبد النور، شقيقة الفنانة سيرين عبد النور عن سبب إصابة والدتها بسرطان الرئة ومعانتها قبل وفاتها.

السجائر تتسبب في وفاة والدة سيرين عبد النور 

وقالت سابين عبد النور، في مقطع فيديو يرصده تحيا مصر نشرته عبر حسابها الشخصي بموقع تبادل الصور والفيديوهات القصيرة إنستجرام: من سنين ماما تعبت والدكتور حذرها أنها لازم تبطل سجائر وقالها هيجيلك سرطان، وإحنا مكنش حد فينا بيجيب لها سجائر خالص ولكن هي كانت بتشتري وتقول إيه اللي هيحصل؟، وتعبت تاني وعرفنا أن جالها سرطان في الرئة والشريان اللي بيوصل الأكسجين لـ المخ ونفسها كان بينقطع، عملنا جلسات كيماوي وحاولنا على قد ما نقدر.

تصريحات شقيقة سيرين عبد النور 

وتابعت: الواحد بيجي له شك أنه كان لازم نعمل أكتر، ولكن اللي عايزة أوصله ليكم أن لما بيتصاب الشخص بسرطان الرئة بيدفع ثمن الأكسجين اللي بيتنفسه ومش عارف يتنفسه، السجائر سم هاري، وكل شيء حوالينا بيقتل ولكن الواحد مينفعش يشرب سم ويقول يارب خلصني وليه حصلي كده، كأنه انتحار.

وأضافت: العذاب مش بس للمدخنين، العذاب لأولادكم وأصحابكم لما يشوفوكم بتتوجعوا وبتختنقوا ومش عارفين تاخدوا أكسجين ومش قادرين يعملوا حاجة، يمكن شايفين أن الحياة ظالماكم ولكن متعذبوش ولادكم، أمي كانت بتشتهي الماية وكنت بحطه ليها على شفايفها بالشاش علشان تبل ريقها، سيء مؤلم ونشكر الرب أنه أخدها لعنده قبل ما الدواء ميقدرش يساعدها.. اللي شوفناه حرام والحياة أهم من أننا ننفخ الدخان، الحمد لله على كل حال وماما ملاك في السماء.

سيرين عبد النور تتحدث عن الأمومه

من جانبه، قالت سيرين عبد النور: أكبر تجربة في حياتي الأمومة، الأمومة شيء عظيم، وأنا بدعي كل بنت خايفة أنها تتجوز ويبقى عندها عيلة أنتي عليكي بس تختاري الشخص المناسب وهتكوني كتير مبسوطة بأنك تكوني أم.

وتابعت: أكتر حاجة خطر عملتها في حياتي الجواز، لأنه زي البطيخة، والحمد لله طلعت حمرا.

نانسي عجرم ونجوى كرم.. نجمات الفن يقدمن واجب العزاء في وفاة والدة سيرين عبد النور

وائل جسار وإليسا.. أبرز الحاضرين في عزاء والدة سيرين عبد النور

وقالت سيرين عبد النور في بث مباشر عبر حسابها بموقع تبادل الصور والفيديوهات انستجرام: ناس بتحكي كلام من قهرهم ووجعهم أكيد، طلب مني صحفي من سوريا اسمه ماجد إني أساعد الأطفال بعلب حليب وطلب مني 500 علب حليب للأطفال، وهذا أقل واجب إني أساعد أهلي وناسي في سوريا، ولأني عندي شعبية كبيرة في سوريا وبفرح بيها وفخورة بيها، ومن لحظة ما شفت الفيديو بتاع الصحفي عملت اتصالاتي لـ ناس علشان أعرف إزاي هقدر أوصل للكمية دي من حليب الأطفال.