مبحطش ميكب وعادي الجمهور يشتم عمل فنان.. أبرز تصريحات هدى الاتربي

حلت الفنانة هدى الاتربي ضيفة على برنامج gossips والذي يتم عرضه على مواقع التواصل الاجتماعي المختلفة وتحدثت به عن العديد من التفاصيل عن حياته الشخصية والفنية.

تصريحات هدى الاتربي 

وقالت هدى الاتربي في تصريحات رصدها موقع تحيا مصر: مش بحط ميكب خالص والحالة الوحيدة اللي ممكن اعمل فيها كدة هو اني يكون ليا دور في فيلم او مسلسل معين بتطلب فيه أن احط ميكاب غير كدة لا انا ببقى طبيعية خالص.

وتابعت هدى الاتربي: أنا رياضية جدا وحاليا مش بروح ولا يوم في الاسبوع وده بسبب اني لسة مخلصة تصوير من يومين، وحاليا مش بروح الجيم بقالي 3 شهور أو اكتر.

واستكملت هدى الاتربي حديثها، قائلة: بسافر كتير جدا وحياتي طبيعية خالص بصحى أكل وانزل الجيم وبطلع مع صحابي ومبخرجش خالص والحالة الوحيدة اللي ممكن اعمل فيها حاجة اني اتمرن بس.

هدى الاتربي: مش لازم الفنان يظهر حياته على السوشيال ميديا وعادي أما الجمهور يشتم في عمل فني 

وأضافت هدى الاتربي: مش بحب أن الفنان يظهر حياته على السوشيال ميديا، وشايفة أن الجمهور عادي يشتم فنان على عمل فني لكن مش من حقه ينتقده بطريقة أو بأخرى.

وكانت قد تحدثت هدى الأتربي في وقت سابق عن شخصيتها في مسلسل العتاولة، قائلة: شخصية دينا كانت معتمدة على أنها بتغوي الناس والرجالة حواليها عشان تحقق أهدافها فأكيد النوع ده من البنات بيفكر أنه يلبس ضيق وفي طبقة من المجتمع بتلبس كده.

هدى الأتربي: ملامحي متغيرة بسبب المرض ولبسي في العتاولة مناسب لشخصية البنت اللي بتغوي الرجالة

هدى الاتربي تكشف سبب تغير ملامح شخصيتها 

وكشفت هدى الاتربي عن سبب تغير ملامح شخصيتها، قائلة: حصل تغيير فجأة في شكلي بسبب أزمة صحية خلتني أخد أدوية زودت وزني جدا، وعملت فيلرز وشيلته بعد كده لما اكتشفت أن بيكون حاجز بيني وبين الشخصية اللي بمثلها.

وتخوض هدى الاتربي بطولة مسلسل العتاولة إلى جانب كلا من النجوم أحمد السقا والفنان طارق لطفي والفنان باسم سمرا، ومحمد الناجي، وفريدة سيف النصر، وعدد من نجوم الفن الاخيرين، وتدور أحداث المسلسل في 30 حلقة في إطار شعبي.