ياسر جلال يعاتب ميار الببلاوي: مكنش العشم وحجابك لازم يكون ليه احترامه

رد الفنان ياسر جلال على تصريحات الفنانة ميار الببلاوي بشأن مكالمتها له لطلب عمل وعدم رده عليها، موجها رسالة لها خلال حلوله ضيفا على برنامج الراديو بيضحك والذي تقدمه الإعلامية ميار الببلاوي على راديو 90: 90، مشيرا إلى أن الأمر أحزنه بشدة.

ياسر جلال: مشوفتش ميار الببلاوي من معهد التمثيل لحد دلوقتي

وقال ياسر جلال خلال تصريحات رصدها موقع تحيا مصر: انا من ساعة ما اتحرجت من معهد التمثيل لحد دلوقتي ماشوفتش ميار الببلاوي، وكنا اشتغلنا مع بعض قبل كدة وهي فعلا كلمتني  وقالتلي انها محتاجة شغل وقت ما كنت بصور الفتوة وفعلا مفيش دور جه يناسبها والنجم الحقيقي المحترم هو اللي ميدخلش في الكاست لأن ده دور ورؤية المخرج، أنا ممكن بس يستشيروني وأقول رأيي غير كدة لا.

ياسر جلال: مش برشح سيدات زميلات للعمل عشان متفهمش غلط 

واستكمل ياسر جلال حديثه، قائلا: مش برشح سيدات زميلات لأي عمل بخاف أتفهم غلط، وبعدين عيب في حقي اقول للمخرج جيب كذا للعمل عيب كدة هو هيفهمني ازاي معرفش، وعمري ما عملتها، وبعدين عمري ما قولت على مدير أعمالي لبيس هو مدير أعمالي والموضوع ده مضايقني جدا.

ووجه رسالة لميار الببلاوي يعاتبها بها، قائلا: ميصحش يا ميار مكنش العشم أنا مأذتكيش في شيء ولا عملتلك حاجة وده بكلامك أنا يحترمك ولازلت بحترمك، وأنا عمري ما قولت على مدير أعمالي اللبيس المفروض مكنتيش قولتي كدة واحترمي حجابك.. اي الهدف انك طلعتي قولتي الكلام ده عليا.

ميار الببلاوي عن ياسر جلال: طلب منه شغل وقالي انا مليش دعوة 

 وكانت قد قالت ميار الببلاوي عن ياسر جلال: أنا بحب ياسر جلال جداً وبادئين مع بعض، وأخوات وأصحاب، وفي وقت من الأوقات كان واحشني التمثيل، ومحتاجة أشتغل، لظروف نفسية وقناتي كانت مقفولة، أنا من جيل أحمد السقا وجيل كريم عبدالعزيز، عمري ما رفعت سماعة التليفون وقولتله أنا عايزة اشتغل معاك، فـ أنا أتجرأت مره وقولت أكلم ياسر، فكلمته وكان بيعمل مسلسل الفتوة، فـ قولتله ياسر أنا عايزة أطلب منك حاجة بس مكسوفة.

ياسر جلال عن شقيقه رامز: الفنانين بيروحوله برجليهم وبقوله انت راجل عشان لسة مكمل

مسلسل جودر الحلقة 12.. أحمد بدير يطلب من ياسر جلال فك رصد الكهف

وتابعت ميار الببلاوي حديثها، قائلة: قولتله ياسر أنا عايزة أشتغل معاك في مسلسل الفتوة لأنه في عصر معين وينفع ألبس الحجاب قالي والله مقدرش ومليش حكم في المسلسل ومقدرش أختار حد، واليوم ده قلبي وجعني، ومرة تانية ومرة تانية كلمته على رقمه الخاص رد عليا وقالي أنا اللبيس.