محمد رمضان: مبسوط من توقعات الجمهور لشخصيتي في فيلم أسد

أعرب الفنان المصري محمد رمضان، عن سعادته بتوقعات الجهور لشخصيته في فيلمه الجديد الذي يحمل اسم أسد.

الجمهور يتوقع شخصية محمد رمضان في فيلم أسد

ونشر محمد رمضان بوسترات فيلم أسد من تصميمات الجمهور التي يرصدها تحيا مصر، عبر حسابه الشخصي بموقع انستجرام، وعلق عليها قائلًا: مبسوط من اجتهادكم وتوقعاتكم لشخصيتي في فيلم أسد، وشكرا على التصميمات الرائعة دي.. حماسكم ده مشجعني أوي في مرحلة التحضير للفيلم، أسد إنتاج موسى أبو طالب ‏تأليف محمد وشيرين وخالد دياب إخراج محمد دياب.

من جانبه، قال محمد رمضان: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

محمد رمضان مع معتز الدمرداش

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

تصريحات محمد رمضان
 

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

وسبق وقال محمد رمضان: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

مسلم: صوتي أقوى من عمرو دياب وعمري ما اعمل زي محمد رمضان

وتابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.