كزبرة.. ماذا قال مطرب المهرجانات عن انتقادات تكريمه كممثل

خرج مطرب المهرجانات كزبرة للرد على منتقدي تكريمه، وذلك بعد اقتحامه مجال التمثيل ومشاركته في مسلسل كوبرا بطولة محمد إمام.

كزبرة يرد على منتقديه

وكتب كزبرة عبر حسابه الرسمي بموقع التواصل الاجتماعي فيسبوك في منشور يرصده تحيا مصر: البوست ده في ناس كتير عمله شير عليه وزعلانين اني بتكرم ومش حبين اني اتكرم وان في ناس اكتر مني تستحق, اولا انا اقل خلق الله وفعلا في ناس اكتر مني بكتير تستحق بس انا مش عايزك تحكم عليا من بعيد او ان انا شخص تريند وجت معايا صدفة لا انا راجل اجتهدت وتعبت واتظلمت كتير اوي ومكنتش بياس وكنت حاطط ربنا طول الوقت قدام عنيا.

كزبرة يوجه رسالة إلى جمهوره
 

وتابع، وكنت عارف ان هيجي يوم وربنا هيفرجها وهيعوضني والحمدلله حصل ورضي ربنا عليا كان اكتر مكنت اتوقع وفعلا لكل مجتهد نصيب وانا اجتهد في ليه في ناس مستكتره عليا الفرحة وطول الوقت شايفين اني شخص مستهلش اي حاجة عامةً ربنا يسامح اي حد بيقول عليا كلمة مش صح وربنا يدي كل واحد علي قد نيته.

وأضاف، وان شاء الله الفترة الجاية هتكرم في كل انحاء العالم وبس نصيحة مني لكل بنادم فاضي ومركز مع غيره اتمني تركز مع نفسك وفي شغلك وحب الخير لغيرك وصدقني محدش هياخد رزقك بس انت اجتهد وحب عملك وارضي بالمكتوب.

على الدوغري أنا تعبان.. تريند جديد لـ كزبرة من مسلسل كوبرا

وكان قال كزبرة عن مشاركته في فيلم الحريفة، من صغري كان نفسي آخد فرصة تمثيل وكانت بتتأخر عشان ربنا شايلي الأحسن والأفضل ليا والحمد لله الفرصة جت والحمد لله بتوفيق ربنا الواحد.

كزبرة يتألق في فيلم الحريفة

وأضاف كزبرة: كنت قدها وأول فيلم ليا بقى من أعلى إيرادات السينما المصرية، والفضل بعد ربنا يرجع للناس اللي دخلت الفيلم، وأنا بشكر كل واحد فيكم من كل قلبي، ويا رب نفضل دايما عند حسن ظنكم وثانيا أنا بشكر أستاذ طارق الجنايني.

وتابع كزبرة: طارق الجنايني صاحب الفضل عليا بعد ربنا لأنه شاف فيا موهبة ودعمني من كل قلبه، وتاني حاجة على المخاطرة الكبيرة وثقته في شباب لسه طالعة وأغلبيتهم كان أول مرة يمثل بجد، أنت أفضل وأشطر الناس اللي شوفتها وتستاهل الخير كله وطبعا بشكر أستاذ روؤف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإنه قدر يحتوينا ويثق في موهبتنا.