انكسرت وقعدت أعيط.. دياب يروي موقف مؤثر له في بداياته لأول مرة

صرح الفنان والمطرب دياب عن الكثير من التفاصيل في مشواره المهني والتفاصيل عن حياته الشخصية خلال استضافته في برنامج ع المسرح اليوم مع الإعلامية منى عبد الوهاب، كما تحدث خلال الحلقة وأبدى رأيه في أغاني المهرجانات وكلماتها وعلق على الكثير من تصريحاته التي جاءت مثيرة للجدل من قبل.

دياب يكشف عن صراعات في بداية مشواره الفني..برنامج ع المسرح

وتحدث دياب خلال لقائه مع الإعلامية منى عبد الوهاب في برنامج ع المسرح عن بعض الصراعات التي واجهها خلال مشواره الفني، وجاء أبرزها في بداياته بسبب الواسطة وقال في تصريحات يرصدها تحيا مصر: "حصلي صراعات كتير في بداية مشواري لدرجة إني تم اضطهادي، كان عندي 17 سنه وروحت مسابقة في مسرح الجلاء والناس اللي بتغني كان صوتها وحش اوي تبع التليفزيون وافتكرتهم بيهزروا، طلعت غنيت لقيت محدش سقفلي وفي الآخر اكتشفت انهم قرايب كلهم مع بعض وقعدت أعيط وقولت طب مكنتوش تقولولي أجي وصعب عليا نفسي واتكسرت وخرجت من المكان مش عارف اتكلم".

وتابع حديثه كاشفًا عن النقد الذي كان تعرض له في فترك معينة من الصحافة وميف كان يتعامل مع هذا النقد وقال:د"اتعرضت لنقد الصحافة كتير جدا وكان نقد لازع، كان في ناس بتستضفني تقطع فيا بس أنا مبسكتش انتوا جايبني في حلقة وشايفين الناس بتحبني يبقي بلاش تضايقني عشان هضايقك، ويقولولي الكلمات مش حلوه طب جايبني ليه في الحلقة بعد ما قولتوا احنا بنحبك ونفسنا تبقى معانا، وأتمنى يكون عندي أغاني زي غمازات والعو تاني هما الأشهر في مسيرتي الغنائية".

انتقاد للكلمات وليس الموسيقى.. دياب يعلق على مهاجمته لأغاني المهرجانات

وتطرق الفنان والمطرب دياب خلال حديثه في برنامج ع المسرح المُذاع عبر شاشة قناة الحياة ليعلق على تصريحات سابقة له ينتقد فيها أغاني المهرجانات ومطربيها وقال: "اعتراضي على كلمات المهرجانات وليس الموسيقى وعمري ما انتقدت الموسيقى نفسها، وفرحت بقرار النقابة انهم ميغنوش بفلاشه عشان زمايلنا الموسيقيين يشتغلوا، لما انتقدت كنت بنتقض الكلمات اللي فيها عدوانية بتاعت انا هعورك".

دياب يرد على النقد الموجه إلى أغانيه.. برنامج ع المسرح

وتابع: "وانا عمري ماقدمت أغنيه فيها اي ايحاءات او عدوانية.. وانا مش مع منع أي نوع من الفن خالص لكن مع تصحيح المسار وحتى الاغاني اللي بنتقدها ماهي ليها جمهور مقدرش اصادر على الجمهور، لكن انا مسؤول والفن بينقل الواقع بس ماهو مش كلنا حبسجية، وانا الاغنيتين الاشهر عندي غمازات والعو مفيهاش كلمه خارجه أو اي ايحاءات حتى اغنية هاروني بوس مفيهاش اي حاجه  وبتقول «وتمام جدا وعادي الماضي كان دروس وانا اكتر ناس اذوني هما اللي هاروني بوس» كلماتها دراما انا نفسي حصل معايا مواقف زي كده".