مصطفى شعبان: السوشيال ميديا مش مقياس للنجاح.. وحريق لوكيشن مسلسل المعلم كان صدمة كبيرة

أكد الفنان مصطفى شعبان أن الدراما أخطر من السينما وتصنع تاريخ للفنان، وذلك خلال لقاء له ببرنامج حبر سري، المذاع عبر شاشة تلفزيون قناة القاهرة والناس، والذي تقدمه الإعلامية أسما إبراهيم.

مصطفى شعبان: الدراما أخطر من السينما

وقال مصطفى شعبان في تصريحاته التي يرصدها موقع تحيا مصر: ملعب الدراما مش مضمون وأخطر بكتير من السينما والاتنين تاريخ، احنا لغاية النهاردة فاكرين رأفت الهجان وليالي الحلمية والشهد والدموع والحاجات دي بقالها فوق الاربعين سنة، وزمان قبل 15 سنة السينما تاريخ والدراما مش أوي بس حاليا لا.

وتابع: نجاح الدراما بتحدده شركات الأبحاث اللي بتستخدمها المعلنين ودي أبحاث حقيقة لأن المنتج اللي هيحط إعلان الا ما يكون وصله أن المسلسل ناجح، وأشك أن السوشيال ميديا لتعبر حقيقي عن الشارع، السوشيال ميديا دلوقتي فيها كام صفحة ادفعلهم عشان يكتبوا أني أعظم حاجة في الدنيا، السوشيال ميديا دلوقتي مهياش الحقيقة اللي تقيس عليها، اللي بنقيس عليه هو الشارع.

حريق لوكيشن تصوير مسلسل المعلم

وفي الحلقة ذاتها، تحدث مصطفى شعبان عن حريق موقع تصوير مسلسل المعلم، وقال: الحريق دا كان عاملنا صدمة كبيرة أوي ولايزال، احنا كنا خلصنا وروحنا مكناش في الاستديو وفات بتاع ساعتين، والمكالمة الأولى اللي جاتلي إن كان فيه حريق في الحارة، وشوية قالولي دخلت على الشادر وخلصت عليه ودخلت على العمارات.

مصطفى شعبان: نجاح مسلسل المعلم فكرني بأيام الحاج متولي.. وقريب هرجع للسينما

مسلسل المعلم الحلقة 25 ..الجنتل وشداد يضطرون لاخلاء منازلهم بسبب مصطفى شعبان

وتابعت: والحمد لله أن محدش حصله حاجة بس الموضوع دا أثر جدا أن الواحد شايف العمارات اتحرقت والناس وحالتهم الواحد اتأثر بيها جدا، وحصل جوانا لغبطة وكان لسه فاضلنا أيام وعملنا جلسات عمل كبيرة جدا مكثفة مع المؤلف والمنتج والمخرج وقدرنا أننا نعمل تحايلات في الدراما مغيرناش السيناريو لكن غيرنا مواقع التصوير.

أبطال مسلسل المعلم

ويجتمع عدد كبير من النجوم في مسلسل المعلم منهم: مصطفى شعبان، سهر الصايغ، هاجر احمد، أحمد بدير، عبد العزيز مخيون، انتصار، منذر رياحنة، سلوى خطاب، محمود الليثى، أحمد فؤاد سليم، سارة نور، محمد العمروسى، أحمد عبدالله محمود، أسامة الهادى، مصطفى حشيش، لبنى ونس، طارق النهري، مفيد عاشور، علاء زينهم، حمدي هيكل الطفل جان رامز، والعمل من تأليف محمد الشواف وإخراج مرقس عادل وإنتاج شركة سينرجى.