أحمد مالك: وقفت قدام الكاميرا وأنا عندي 8 سنين ووهبت حياتي للفن

حل الفنان أحمد مالك ضيف على برنامج Abtalks والذي يقدمه الإعلامي أنس بوخش على قناته الرسمية بموقع الفيديوهات الشهير يوتيوب، والذي تحدث خلاله عن دخول مجال الفن لأول مرة.

أحمد مالك: بدأت شغلانة التمثيل وأنا صغير وكنت مبسوط زي يوسف عثمان في فيلم بحب السيما 

وقال أحمد مالك في تصريحات رصدها موقع تحيا مصر: أنا بدأت الشغلانة دي وأنا صغير أوي، أول مرة وقفت قدام الكاميرا كان عندي 8 سنين، وكنت بعمل إعلان مكرونة والمكرونة كانت نية علشان شكلها يبقى حلو، وكنت باكُلها وكنت عايز أرجع ولكن مينفعش علشان الناس بتزعق، المفروض التجربة دي لطفل مش حلوة، ولكن أنا كنت مبسوط زي يوسف عثمان في فيلم بحب السيما.

وتابع أحمد مالك حديثه، قائلا: كنت بدخل اللوكيشن وأنا طفل عندي 9 سنين كنت بحس أنه شيء بيكسر كل الواقع اللي كنت عايش فيه، وكنت بشعر بالأمان التام في اللوكيشن وأنا عندي 13 سنة، أنا عندي الجوع بتاع أني معملتش حاجة، مع أني عملت كتير، أنا مش عارف أنا عملت إيه مع أني الحمد لله اشتغلت كتير وعملت حاجات كويسة وممتن للمهنة جدًا.

أحمد مالك: قررت إني هوهب حياتي للفن 

وأضاف: رؤيتي لنفسي وذاتي مرتبطة أوي بـ رؤيتي لمهنتي، وأنا معتقدش إني هعرف أعمل حاجة زي ما بعمل فن، والتمثيل اختارني من وأنا صغير جدًا وخلاص القدر اختار ده فأنا جزء من ده، وقررت إني هوهب حياتي والمعنى بتاعي هو الفن، ولو هختار حاجة غير التمثيل هتبقى الكتابة.

أحمد مالك: كنت بحس بخذلان من شكلي وتعرضت للتنمر

أما عن طفولته، فقال أحمد مالك: كنت طفل فضولي جدًا، وأنا صغير مكنش عندي ثقة في نفسي وده بينعكس دلوقتي، وكنت دايمًا بحس إني مش قوي بدنيًا وبحس بخذلان من هيئتي وشكلي، وتعرضت للتنمر في مراهقتي المبكرة وكنت بتكسف جدًا وطول الوقت عايز استخبى.

أحمد مالك: تعرضت للتنمر في طفولتي فعانيت انعدام الثقة.. وتأثر بانفصال والدي ووالدتي

بيقلعها الكوتشي والشراب.. اهتمام أحمد مالك بـ هدى المفتي يثير سخرية الجمهور: جنون الجنتلة

أحمد فهمي يتحدث عن طلاق والدته ووالده 

وكانت قد تحدث أحمد فهمي عن طلاق والدته ووالده، مشيرا إلى أن الأمر كان صعب جدا عليه في فترة مراهقته ولكن بعد كبر سنه أصبح الأمر عادي بالنسبة له وعلاقته جيدة بالطرفين سواء والده أو والدته، وبأشقاءه حيث يشعر بينهم بالأمان، مؤكدا على أن هذا الأمر عمله العديد من الأشياء.