ماجد الكدواني يكشف أسباب ذهابه لطبيب نفسي

كشف الفنان ماجد الكدواني عن تفاصيل وأسباب ذهابه لطبيب نفسي بعد فيلم تراب الماس.

لو قلع الجزمة وضربني هسامحه| ماجد الكدواني يكشف سر علاقته بكريم عبدالعزيز

آسر ياسين يفكر في التنازل عن أبوته.. مسلسل بدون سابق إنذار الحلقة 7

وقال الفنان ماجد الكدواني خلال لقائه مع الإعلامي عمرو أديب والمطربة أصالة في «بودكاست BIGTIME»:: "بعد ما عملت فيلم تراب الماس، وفوجئنا بتأثرنا بالشخصية، وحسيت إن الشخصية لبستني ومراتي وابني بعد الفيلم بسنة قالولي أنت مش أنت ولازم تروح لطبيب نفسي".

معاناة ماجد الكدواني من شخصية تراب الماس

وأضاف ماجد الكدواني: "مروان حامد نفسه قال لي أنت مش ماجد اللي أعرفه ولازم تروح لطبيب نفسي، فعلا أنا كنت اتغيرت بعد لما حبيت الشخصية في فيلم تراب الماس ولبستني وتمكنت مني وغذت جوايا حاجات بتغير الإنسان ومروان حامد قال لي عن الشخصية دي الموت على المحرمة إنه كل إنسان فينا جواه حتة عايز يعمل كل اللي نفس فيه من غير حساب ولا تأنيب ضمير ولا جلد ذات ولا خوف من عقاب ولا لوم ولا حسابات لقيم".

غضب ماجد الكدواني

وواصل ماجد الكدواني: "أنا كنت واصل لمرحلة غضب مريع وأشوط حاجات برجلي وطاقة غريبة جوايا، فلما روحت للدكتور قال لي إذا كان فيه شخصية دخلتك وحبيتها بتفضل في العقل الباطن عندك، وأخدت كورس لطيف وابتديت أهدى من غير أدوية خالص، وبعدها بفترة حصل موقف غضبت غضب انفجاري بسبب حالة خاصة جدا في البيت حاجة ضاعت مني ومش لاقيها قلبت معايا بهستيريا مراتي وقتها قالتلي كلم الدكتور بقى أسأله إيه اللي بيحصل فقال لي الشخصية تحول لملف مقفول ممكن يتفتح وطمنهم في البيت وقال لهم عندي شخصية وليد سلطان اللي في فيلم الماس ساعة يروح وساعة يجي".

شخصية ماجد الكدواني 

ولفت ماجد الكدواني: "أنا مش طيب أوي على فكرة، كلنا شوفنا مشاكل وعدينا بمصاعب كتير وكتر الأوقات اللي غضبت وتمردت فيها سببت لي في مشاكل فاقتنعت بالإيمان وتسليم أمري لله وأي حاجة أقول حسبي الله ونعم الوكيل أوكله في أي حاجة ويشيل هو، وفعلا بعد تمردي تحولت لكدواني آخر زي اللي ربنا خلقه لإنه أمتع وأبسط وألطف".

ميار الببلاوي تعترف: فنانة حاولت تسممني عشان حبت حد وقالها إنه عاوزني

واجه شيخ العرافين الفنانة ميار الببلاوي، بمحاولة فنانة تسميمها عبر وضع السم في طعامها، لترد قائلة: "يخرب بيتك يا شيخ الخباصين وشيخ الموقعاتية، إحنا المفروض نعملك مقام سيدي الخباص".

ميار الببلاوي تعترف: فنانة حاولت تسممني عشان حبت حد وقالها إنه عاوزني

وأضافت الببلاوي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار: "اللي بتقوله حصل جوه بيتي ومحدش يعرفها يخربيت عقلك، أنت مخاوي".

وتابعت الفنانة: "لن أقول اسم الفنانة، لكن الموقف الذي تقوله حدث بالفعل.. كانت بتحب حد، ولما قالت له قالها إنه عايز ميار، وهي مجاتليش بنفسي لكن بعتت لي خدامة، والحد ده رجل أعمال كبير".

شيخ العرافين يحرج ميار الببلاوي: "ابنك حاول ينتحر عشان خطيبته سابته؟!"

واجه شيخ العرافين الفنانة ميار الببلاوي، بمحاولة انتحار ابنها بعدما تركته خطيبته، لترد عليه قائلة: "على فكرة أنا أسفة جدا دي حاجات شخصية، بس أنتت عرفت منين؟!".

وأضافت الببلاوي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار: "أنا ابني منتحرش لما خطيبته سابته ولا حاجة، الكلام ده لما كان عاوز يخطبها، وهي كانت اسمها ميار".

ليرد عليها شيخ العرافين، قائلا: "سابته بسببك أنتِ قوية ومفترية"، لترد عليه الفنانة: "والنبي ما حد قوي ومفتري إلا أنت، مسمعش صوتك أنا بكلم بسمة، أنا بحب ابني، وهي قالت له من أول يوم شوف لك حل في أمك، كانت محترمة وعسل وبنت ناس وكل حاجة بس محبتنيش".

وواصلت: "هي طفت فرحتي بابني، راحت جابت الفستان لوحدها وعملت الميك آب لوحدها وطول الوقت بتوقع بيني وبين ابني، وهي كانت بتقول دي شايفة نفسها علينا، وهو مكنش بيصدقني وفي الآخر اقتنع إنها متنفعهوش".

ميار الببلاوي عن خناقتها على مسرح الريحاني مع غادة إبراهيم: "كان زماني من السوبر ستارز".

ميار الببلاوي عن خناقتها على مسرح الريحاني مع غادة إبراهيم: "فنانة معتزلة وزتها عليّ"

قالت الفنانة ميار الببلاوي، إنّ مشاجرتها مع الفنانة غادة إبراهيم في مسرح الريحاني كانت نقطة تحول في حياتها، موضحةً: "لولا كان زماني واحدة من السوبر ستارز، ولعل ربنا أبدلني خيرا منها، لأني لو كنت بقيت كده كنت ممكن ماخدش قرار الحجاب".

وأضافت الببلاوي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار: "حصلت خناقة في مسرح الريحاني، وأنا مضربتش غادة ولا حاجة، بس كانت خناقة جامدة جدا وفيها سيلف دينفس وبودي جاردات وكانت خناقة الموسم".

وتابعت الفنانة: "بسبب الخناقة دي مشتغلتش في نصف ربيع الآخر وسيبت المسرحية واتوقفت من نقابة المهن التمثيلية، ودخلت القسم الساعة 2 بالليل بالترتر واللبس المفتوح، حد وزّ غادة عليّ وتستفزني على المسرح، ضربتني بالقلم في المشهد بدل ما أضربها ولما خرجنا من الكواليس شدينا مع بعض.. وفنانة معتزلة ملتزمة ومحجبة عايشه في أمريكا دلوقتي".