مروان موسى يكشف وجه التشابه بين الراب وموسيقى حميد الشاعري..وأزمته مع عمرو مصطفى

تحدث مغني الراب مروان موسى  خلال لقائه في برنامج ع المسرح مع الإعلامية منى عبد الوهاب عن العديد من الأزمات التي وقع بها خلال مشواره الفني لأول مرة بالإضافة لحديثه عن التحديات التي تقابل مطربين الراب في مصر، وسوف نوضح أبرز تصريحاته خلال السطور القادمة.

مروان موسى: الهجوم اللي بيتعرضله الراب دلوقتي نفس اللي حصل مع حميد الشاعري في بداياته

وتحدث مروان موسى خلال حواره مع الإعلامية منى عبد الوهاب في برنامج ع المسرح والذي يرصده موقع تحيا مصر ليرد على هجوم الجمهور عليه بل والمتخصصين أيضًا وعدم فهم الناس لنوعية الموسيقى التي يقدمها وقال: "اللي احنا بنعمله دا   شيه اللي جيل من التسعينات عمله، مثلا مزيكا حميد الشاعري حصله مشاكل وقتها وكان بيتقال إنها غريبة ومش حلوة، لكن دلوقتي بقى متطور وناجح والناس كلها عارفاه.. واحنا دلوقتي بنتهاجم وأتوقع بعد 10 سنين هيكون في نوع مزيكا جديد واحنا هنهاجمه، ونفسي اننا نتفهم عشان احنا بقينا موجودين ودا أمر واقع والناس بقت تحبنا وبتسمعنا".

وتابع حديثه كاشفًا عن سبب انحدار مستوى الراب منذ فترة قائلًا أن السبب يرجع إلى أن بعض مغنيين الراب الكبار لم يصدروا أعمال ملفتة و"كليبات" كما كان الوضع في عام 2021 مثلًا، حتى أنا وضعتني ظروف معينة جعلتني غير قادر على إصدار مزيكا في فترة معينة.

مروان موسى: الجمهور بتاعنا صعب.. لما بفتح لايف بلاقي الناس بتتريق عليا

وعلق مروان موسى خلال استضافته في برنامج ع المسرح عن جملة سابقة له تقول "الراب انتصر على كل خصومه ماعدا الجمهور" ورد على ذلك قائلًا: "احنا المجال بتاعنا بيشتم ونتنمر، وكل دا بيرجعلنا لو طلعنا لايف جمهورنا لما بيشوفنا بيفتكر التنمر والروشنة، ولما بفتح لايف بشوف الناس بتتنمر عليا فبقول إني مش هشوف تعليقات الجمهور لأني بتضايق وقولت إن الراب بيقدر يتنمر لكن بتعليق واحد من الجمهور يقدر يرجعني ورا كتير، فالجمهور بتاعنا صعب".

مروان موسى يرد على تصريح عمرو مصطفى بشراء مغنيين الراب ألحانهم جاهزة.. برنامج ع المسرح

وتطرق مروان موسى خلال حديثه في برنامج ع المسرح على شاشة قناة الحياة، ليرد على تصريح الملحن والفنان عمرو مصطفى أن مغيين الراب يشترون ألحان أغانيهم جاهزة مؤكدًا عدم صحة هذا الحديث على الأقل مع أغلب المغنيين وقال: "مع احترامي لأستاذ عمرو مصطفى الكلام دا مش صحيح لأنه فيه تعميم وأنا وغيري من المغنيين والمنتجين الحقيقين بنعمل أغنيات حقيقية فيها روح مصرية رفيها بصمة لينا، وأنا ضد اللي بيشتري أغانيه كلها لأن انت فين بصمتك وفين بصمة إنك مصري أنا ضروري عندي إني أقدم أغنية فيها طابع مصري يبين قدام الناس إن الأغنية مصرية.

مروان موسى: الراب في مصر بيواجه مشاكل كتير لأننا مبنحبش بعض

وعلق مروان موسى على تصريح سابق له يقول فيه "الراب يواجه مشكلة في مصر بسبب اننا مبنحبش بعض"، وقال خلال حديثه مع الإعلامية منى عبد الوهاب: "الراب في نصر فعلا بيواحه مشكلة لأننا مبحنحبش بعض ودايمًا بننافس بعض مع إن المفروض نتحد عشان نقدر ننافس نوع تاني من الموسيقى أول بلاد تانيه لكن هدفهم الأساسي هو المنافسة بينا وبين بعض".