عماد زيادة: محمد رمضان جريء وعنده طموح وهذا سبب نجاح شخصيتي في نعمة الأفوكاتو

حل الفنان عماد زيادة ضيفًا على بودكاست "Restart" والذي تقدمه الإعلامية داليا مدبولي، وكشف عن علاقته بمحمد رمضان قائلًا: "محمد رمضان صديقي وعملت معاه الأسطورة ونسر الصعيد الشغل معاه ممتع".

عماد زيادة: محمد رمضان جريء وعنده طموح 

وأضاف عماد زيادة في تصريحات رصدها موقع تحيا مصر عن محمد رمضان: "جرئ عنده طموح غير محدود وطاقة للنجاح غير محدود دي الحاجات اللي لمستها في معرفتي بمحمد رمضان عنده طاقة غير محدودة والقدرة على العمل ٢٤ ساعة متواصل وانتجت لمحمد رمضان مسرحية إيمانًا مني بيه وحبي للمسرح لإني اشتغلت 12 سنة مسرح وحبيت أخوض التجربة بالشكل التاني واستمتعت جدًا بتلك التجربة لم أقوم بالتمثيل في مسرحية انتجها لإن صاحب بالين كداب، وحبيت العمل من كواليس المسرح أبو الفنون ولايف كل يوم".

وتابع: "اشتغلت مع أحمد السقا وأمير كرارة مسلسل نسل الأغراب وولد الغلابة وكل هذه المسلسلات من إخراج محمد سامي وهو وشه حلو عليا ووش السعد أتمنى العمل معاه طول عمري".

عماد زيادة يكشف البصمة الحقيقية في دور الصعيدي في نسل الأغراب

وعن دوره في مسلسل نسل الأغراب، قال: "كان بعيد عني ولكن كل الشغل اللي اشتغلته قبل كدا مع كل النجوم دول يحي الفخراني سميرة سعيد ومحمود ياسين شوفت الناس دي لما يشتغلوا دور بيتعاملوا إزاي"، مؤكدًا "لما يجي دور تعرف تلبس الشخصية بدون فلسفة وتعمل من وجهة نظر المخرج لإنه رب العمل والمخرج رب العمل".

واستكمل: "نجحت في شخصية بكر ظلط ودا لثقتي في محمد سامي  وسلمت نفسي للمخرج لإنه بيشوف الكادر كله والممثل بيشوف نفسه بس بيشوف اللي أنا مش شايفه بيشوف الصورة كاملة ولو هشتغل من وجهة نظري هيكون غلط والمؤلف بتاع الكلام".

وتحدث عماد زيادة أيضا عن المخرجين الذين تعاون، وقال: "رامي إمام ووائل إحسان اشتغلت مع مخرجين كبار جدًا والأغلب هو محمد سامي وياسر سامي".

سبب دخول عماد زيادة الفن

وعن سبب دخوله الفن، قال عماد زيادة: "سر ولأول مرة أقوله كنت قاعد على الكنبة قدام وشوفت ممثلين صغيرين وكنت في مسرح الهناجر وشوفت رامي إمام وتامر عبد المنعم  وخالد سرحان وهما أصبحوا أصدقائي وأنا مش ممثل وقتها لإني خريج تجارة عجبني الموضوع وجوايا حب الفن من صغري وحبيت التكوين اللي شوفته في اللحظة دي وإحنا في سن بعض كنت عاوز اشتغل معاهم بس طبعًا ما وافقتش لإنها فترة دراسة وبعدها الجيش وكنت بدور على الأستاذ عادل ورامي وعلى ما عرفت أوصلهم كانت المسرحية اتعملت وخلصت، وكان الأستاذ عادل إمام هيعمل بودي جارد وقولتله عاوز أمثل مع الأستاذ رامي قالي لا إنت هتمثل معايا أنا، ماكنتش مصدق وكانت البداية".

عماد زيادة: بداياتي كانت مع الزعيم وهذا سبب قلة أعمالي

حوار| عماد زيادة: نعمة الأفوكاتو لمس قلوب الجمهور ومحمد سامي يظهر الفنان بطريقة مختلفة وتشرفت بالعمل مع الزعيم

كواليس مسلسل نعمة الأفوكاتو

وكشف عن كواليس نعمة الأفوكاتو، قائلًا: "الورق والمسلسل اتكلمنا فيه من شهر أغسطس اللي فات قالي فيه دور كذا كذا بطولة مي وفيه دور وعندة صفات قريبة من حياتك"، لافتًا: "نجاح الدور لإنه قريب من حياتك لإن ناس كتير تعرف إنك رجل أعمال".

وأضاف: "أنا أسرتي بتشتغل في العمل التجاري وقت لما مش بيكون فيه تمثيل برجع اشتغل مهنتي  في التجارة، اخلص العمل الفني أرجع لمهنة التجارة بمشي العملين مع بعض على خطين، والتجارة بتفهمك نوعية الناس".

وأوضح: "سمات شخصيتي قريبة من شخصيتي في نعمة الأفوكاتو بحب طول الوقت أكون كويس مع الناس اللي حواليا وأكون محترم في التعامل وعملت الشخصية بسهولة والتشابه في الهدوء وأتناول الأشياء بهدوء والمسلسل كان خيالي إنه كان فيلم هندي محمد سامي عرف الناس عاوزة ايه".