جبروت سيدة الغربية.. سلطت أخواتها يعملوا مع جوزها الغلط وشقيقه يكشف مفاجأة|فيديو

جبروت امرأة في الغربية، قامت بالتعدي على زوجها بمساعدة اشقائها بسبب خلافات زوجية بينهما، ويرصد موقع تحيا مصر كواليس وتفاصيل التعدي على الزوج ياسر علي في مركز قطور في الشرقية.

قطعت جثتها حتت.. لحظة النطق بـ اعدام قاتلة صديقتها في الغربية|فيديو

وسط ذهول منها.. إحالة أوراق قاتلة صديقتها بـ الغربية للمفتي | فيديو

الاعدام شنقا للمتهم بقتل زوجته الصيدلانية وبناته بالغربية

حقيقة المنشطات.. شقيق بطل كمال الأجسام في الغربية: أخويا راح وهو عريس|فيديو

القصة الكاملة للتعدي على زوج في الغربية على يد أشقاء زوجته

وقال شقيق الزوج المجني عليه في الغربية لـ موقع تحيا مصر، أنا أخو المجني عليه ويوم الواقعة اتصل بيا الساعة 5 قالي الحقني ولعوا فيا، وهي سابت الأولاد وراحت تفطر عند والدتها قبل الفطار وقالت له عيالك عندك تفطرهم تولع فيهم مايخصنيش ومشيت.

وتابع شقيق ضحية الغربية، رجع من الشغل راح عمل محضر إهمال أنها سابت طفلة 4 سنوات وطفلة 4 شهور، وتاني يوم راح لها بيت أهلها يودي العيال لقى اخوها دلق بنزين على وشه والتاني ولع بيه بالولاعة، وعمها كان موجود وحاضر الواقعة وطلب الإسعاف وقاله مش هسيبك.

شقيق ضحية الغربية: حسبي الله ونعم الوكيل فيهم

وأضاف شقيق ضحية الغربية، قالت لهم هي وأمها اطلعوا ولعوا فيه أنا مش عايزاه موتوه، وبعدها اتقبض على اخواتها وأن شاء الله هنجيب حقه كذا مرة اخواتها يهددوه في البيت وأحنا مش موجودين، لحد ما ولعوا فيه ووشه اتحرق وراسه وإيده وأثر على النظر كمان حسبي الله ونعم الوكيل.

واكمل شقيق ضحية الغربية، وش أخويا اتشوه وكان في حالة وفاة جنب بيتهم ومحدش عرف يطفيه هو اللي دخل طفى نفسه بنفسه، وكله بسببها هي لما قالت لهم اطلعوا موتوه وهو جاي بحسن نية يودي العيال لأمهم، وبناء على كلام حماته وزوجته أخواتها خرجوا وزوجته كانت واقفة بتتفرج عليه وعمها كان رحيم عليه أكتر من زوجته.

شقيق ضحية الغربية: اخويا وشه ضاع بسبب أخوات مراته

وأشار شقيق ضحية الغربية، عمها طلب سيارة الإسعاف وقاله مش هسيبك وكل ده بسبب الخلافات الأسرية والزوجية، هو كان ديما يشتكى لأمها بنتك عملت وكانت ديما بتيجي على أخويا ويهي مش بتعمل أي حاجة في البيت وأمها كانت تيجي تغلطه هو وهما متجوزين من 5 سنوات.

واستطرد شقيق ضحية الغربية، أخويا اشتكى لي أكتر من مرة وكانت عملت له محضر ضرب قبل كدة، وراحت اتنازلت لما اخدت منه 5 آلاف جنيه، هما عايزين فلوس بس، وسبب الواقعة أنها موصلة لأسرتها معلومات بالغلط أنه بيشتمها وبيضربها لكن هو مابيعملش كدة وحتى لو بيعمل كدة نولع فيه.

شقيق ضحية الغربية: مراته لسانه وحش وبتشتم على طول

وأكد شقيق ضحية الغربية، أخويا تعبان جدا والحروق مأثرة عليه وحاسس بيه ومش هسيب حقه حسبي الله ونعم الوكيل فيهم، وش أخويا كله متبهدل وحروق من الدرجة الثالثة، وماشي ب كرسى بعجل والنيابة بتسمع أقواله في الواقعة وهيتم عرضه على الطب الشرعي.

وأضاف شقيق ضحية الغربية، لسانها كان وحش وهي شدت مع ولاد أخويا قبل ما تمشي بيوم وكانت بتشتم بألفاظ نستحى نقولها، وهي قالت لـ بنت اخويا انتي مش متربية بنت اخويا قالت لها أهو انتي، ولما اتصلت بأخويا قالها أكيد مش هتقولك كدة غير لما تشتميها، وكانوا يدخلوا مايسلموش على حد ولا على والدتي.