ريم البارودي: مهنتش أحمد سعد.. وبتضايق من التريندات الرخيصة اللي بتربطني بيه

قالت الفنانة ريم البارودي، إنّها تغضب من ربطها باسم طليقها الفنان أحمد سعد، مؤكدةً: "بتضايق أكيد، بتضايق من التريندات الرخيصة والمواقع اللي بقت معتمدة على التريندات".

المواقع دي لما راجل بينفصل عن ست بيحطوا ست تانية معاه

وأضافت البارودي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار: "المواقع دي لما راجل بينفصل عن ست بيحطوا ست تانية معاه، ويعملوا أفيش ورخص وحاجات وجايز كل واحد بقى عنده بيته وبقى عنده حياته.. ليه؟!".

وتابعت الفنانة: "لازم أتضايق من ربطي باسم أحمد سعد، ومش شايفة إني كنت مأفورة في المشكلات معاه، وشايفة إني أقل بعد كل مطربات الوطن العربي اللي بيتخانوا ويتكلموا في برامج ويعملوا مداخلات، أنا مهنتش أحمد سعد واتكلمت في حاجة تخصني وفي عز المشاكل كنت بقول إنه كان راجل كريم وكويس". 

ريم البارودي تكشف حقيقة ترشيحها لمسلسل جعفر العمدة لتجسيد شخصية "دلال"

أكدت الفنانة ريم البارودي، أنها لم يجرَ ترشيحها للمشاركة في مسلسل جعفر العمدة مع الفنان محمد رمضان، حيث كانت ستجسد شخصية "دلال" التي جسدتها الفنانة إيمان العاصي، قائلة: "محصلش".

وأشارت البارودي في حوارها مع الإعلامية بسمة وهبة مقدمة برنامج «العرافة»، على قناتي المحور والنهار، إلى أنها اعتذرت عن عدم الظهور مع رامز جلال في برنامجه "رامز جاب من الآخر"، موضحةً: "مكنتش أعرف إن إحنا ضيفتين، ثانيا، رامز لذيذ ودمه خفيف بس تقيل في تقديمته وتقيل في الهزار مع الضيف".

 ريم البارودي عن تلقيها عرض للمشاركة في برنامج رامز جاب من الآخر

وتابعت الفنانة: "كنت جايبني وسمية الخشاب ليه؟! تضحك علينا الوطن العربي؟! عيب.. الإهانة المتعمدة عيب، مينفعش تقول عليّ حريم فولان وإكسات فولان، عيب، هو ده الهزار؟! وسمية كانت مرحبة إننا نطلع مع بعض وقالت تعالي هنطلع نعمل حلقة حلوة". 

وتحدثت الفنانة ريم البارودي عن تلقيها عرض للمشاركة في برنامج رامز جاب من الآخر، مشيرة إلى أن حلقتها كانت ستكون بصحبة سمية الخشاب، مشيرة إلى أنها رفضت لأن رامز يقوم بوصفها بأوصاف لا تقبل مثب :الإكس بتاع أحمد سعد.. الخ".