هشام ماجد: كبريائي منعني أقبل حاجات مش كويسة بفلوس كتيرة ومقصر في حق أحمد فهمي

تحدث الفنان هشام ماجد خلال حلوله ضيفا على برنامج أسرار والذي تقدمه الإعلامية أميرة بدر على شاشة قنوات النهار، عن تفاصيل خاصة بحياته الفنية والمهنية وعلاقته بعدد من نجوم الوسط الفني من بينهم الفنان الكبير أحمد فهمي.

هشام ماجد: مصطفي غريب ممثل شاطر وبيستغل الفرص الحلوة 

كشف هشام ماجد عن رأيه في الفنان مصطفى غريب في تصريحات رصدها موقع تحيا مصر، قائلا: مصطفى غريب شاطر وبيستغل الفرص الحلوة، وكان دوره صغير وعمل لنفسه مساحة كبيرة، وعدد مشاهده كانت اقل من كده، وابتدى يطلع لزمات وسكة للدور، والاستاذ خالد وشيرين سابوه يعمل كده.

وعن وجود خلاف بينه وبين احمد فهمي، أوضح هشام ماجد الحقيقة، قائلا: مش زعلان من احمد فهمي عشان اعاتبه، وهو بيكلمني كتير، وانا اللي مأثر معاه، وطالع معاه ضيف شرف، وانا عندي فيلم في العيد، اسمه فاصل من اللحظات السعيدة.

هشام ماجد: بكره الأعمال اللي  بيبقى فيها نجم وكله بيخدم عليه

وتطرق بحديثه عن الأعمال الفنية، قائلا: بكره الاعمال اللي  بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم.

هشام ماجد: كبريائي منعني من قبول عروض بفلوس كتير 

كشف الفنان هشام ماجد عن موقف احمد الفيشاوي في بداية العمل الفني ومساعدته لهم قائلًا: "كبريائي منعني اقبل حاجات مش كويسة بفلوس كتيرة او اني اسيب منتج عشان اروح لمنتج تاني فلوسه اكتر، والكبرياء شبه العند وانا برج الطور وساعات اعند عشان مرجعش في كلمتي، وكان زمان يخليني ماعتذرش، لكن دلوقتي كبرت وفهمت، اتأسفت لناس كتير زي مراتي وأمي، وكلمه اسف مش عيب بالعكس بتكبرك".

هشام ماجد يكشف سبب الانفصال عن أحمد فهمي وشيكو

مسلسل أشغال شقة الحلقة الأخيرة.. انهيار هشام ماجد بعد حمل زوجته في توأم ثاني

هشام ماجد: أحمد الفيشاوي وقف معانا وقفة جدعنة وساعدنا في بدايتنا 

وقال هشام ماجد، أيضا: "الفيشاوي اكتر حد وقف معانا وقفة جدعنة كنا لسه مش معروفين وهو كان نجم اوي ساعتها ومازال نجم، وافق على كل حاجة مقابل انه يقف جنبنا، وشايله ده جدًا، وهو مش مظلوم فنيًا لانه بيعمل أفلام كتير ممكن يكون ناقصة يعمل مسلسلات".