محمد أنور كان بيبكي وسلام رفض مسح الفيديو بتاعه.. تعليق بيومي فؤاد على أزمته الأخيرة

حرص الفنان بيومي فؤاد التعليق على أزمته الأخيرة بموسم الرياض بعد اعتذار محمد سلام عن المشاركة في مسرحية زواج اصطناعي بسبب أحداث غزة، وذلك خلال لقاء له ببرنامج حبر سري مع الإعلامية أسما إبراهيم، والمذاع عبر شاشة تلفزيون قناة القاهرة والناس.

بيومي فؤاد: محمد أنور كان بيبكي بسبب الهجوم عليه

وقال بيومي فؤاد في تصريحاته التي يرصدها موقع تحيا مصر: اد كلامي عشان راجل، وأنا كنت رايح اضحك، سمير غانم عمره ما بكانا مع أنه نجم النجوم، وبعتذر عن جملة احنا مش جايين نضحك، لا احنا جايين نضحك.. بيسموني عمدة المصريين لما بطلع برا مصر، والحملة كانت شرسة على محمد أنور عشان هو كان البديل، وأنور كان قاعد بيبكي، كنا بننزل نفطر نتغدى نتعشا وأنور مش معانا.

وتابع: احنا عملنا بروفات في شهر احنا مش بنعمل عمل في ٣ أيام زي ما كاملة أبو ذكري قالت، وفي ظل الشغل محمد أنور كان مكتئب، وأنور طلب مني أي دور في مسرحية تانية كنت بعملها عشان خايف ينزل بلده، أنا كبير سلام وكلمته بعد ما اعتذر قالي أنا مش قادر تعبان وفي أطفال بتموت قولتله أنا بدعيلهم قبل ما بدعي لولادي، بس دا أكل عيش، قولتله طب ترشح مين، قالي أي حد من مسرح مصر دول قرود وبيحفظوا بسرعة.

بيومي فؤاد: طلبت من محمد سلام يمسح الفيديو بس رفض

واضاف بيومي فؤاد: وبعد ما نشر الفيديو كلمته قولتله شيل الفيديو قالي لا أنا آسف، ومن ساعة ما رجعت من السعودية.. وطلبت أني مقابلوش بعد الأزمة، واعيدت كتابة الحلقات عشان رغبتي، ورفضت الصلح اللي عرضه أحمد مكي، محمد سلام نزل صور الكبير بعد فيديو اعتذاره عن المسرحية في موسم الرياض.

تطورات الحالة الصحية للفنان بيومي فؤاد| الدم مش بيوصل لرجلي

بيومي فؤاد: أقسم بالله عمري ما اشتغلت عشان الفلوس.. وولادي قاطعوني أسبوع بسبب عمل فني

تفاصيل أزمة بيومي فؤاد الأخيرة

ومن الجدير بالذكر أن الفنان بيومي فؤاد تعرض لموجة كبيرة من الانتقادات بعد هجومه على الفنان محمد سلام بسبب اعتذاره عن المشاركة في موسم الرياض بسبب الأحداث الجارية في فلسطين،حيث قال بيومي فؤاد على المسرح بالمملكة العربية السعوديةمن حقك تعتذر عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي.