فادي خفاجة يعتذر لـ مها أحمد: دي أختي وأنا بتأسفلها ومجدي كامل أستاذي الكبير

اعتذر الفنان فادي خفاجة للفنانة مها أحمد خلال وقوعهما ضحايا حلقة اليوم الأربعاء الموافق 27 مارس من برنامج رامز جاب من الآخر.

فادي خفاجة في رامز جاب من الآخر 

وقال فادي خفاجة في تصريحات يرصدها تحيا مصر: أنا آسف يا مها حق عليا أنتي أختي ومجدي كامل أستاذي.

من جانبه قال الفنان المصري فادي خفاجة عن بث له على تطبيق تيك توك: أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس.

فادي خفاجة يتراجع عن بث له على تيك توك 
وتابع: أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة

وأضاف فادي خفاجة "وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح.

واستطرد فادي خفاجة: وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش.

تصريحات فادي خفاجة 

وأردف فادي خفاجة: سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر.

واستكمل فادي خفاجة: اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة.

رامز جلال عن طارق لطفي ومحمد رياض: واحد فتى أحلام فتيات التسعينات.. والتاني موهبته تملى العين

مها أحمد: رافعة قضية على فادي خفاجة وغلطلت في حق السقا

واختتم فادي خفاجة حديثه عن هذا الأمر قائلًا: أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح.