‎مي عمر: بجيب لبس غالي ووالدي وحماتي بيحتروموا الفن وبيشجعوني جدًا

علقت الفنانة مي عمر على حبها لشراء ملابس غالية خلال حلولها ضيفة على برنامج أسرار للإعلامية أميرة بدر المقدم على شاشة قناة النهار، كما تحدثت أيضا عن علاقتها بحماتها ووالدة المخرج محمد سامي.

مي عمر: بحب أجيب لبس براندات ومش بحب محمد يشتريلي حاجات غالية

وقالت مي عمر في تصريحات رصدها موقع تحيا مصر: "بحب اجيب ملابس براند كتير ومحمد بيحب يشتريلي وانا اللي بمنعه وبلاش افورة، المفروض الراجل الطبيعي يكون جنب مراته طول الوقت، ورغم ده مبحبش انه يجيبلي حاجات كبيرة وغالية، ومن وانا صغيرة بحب اني اجيب الحاجات الغالية لنفسي، ومش حاطة الحسد في دماغي رغم اني عارفه انه موجود في القران لكن مبحبش ارمي كل حاجة على الحسد واحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني".

مي عمر: والدي بيحب الفن وحماتي بتشجعني

وتطرقت مي عمر بحديثها عن علاقتها بوالدها وحماتها، حيث قالت: ما والدي تعب كانت فترة وعدت وهو كويس الحمدلله واضطرينا نسافر وقعدنا فترة كبيرة برة والموضوع كان خطر ومجهد نفسياً، ووالدي بيحب الفن وبيحترمه وبيشجعني جدًا، وحماتي من اكتر الناس اللي بتشجعني برضو، ولو فيه مشكلة بيني وبين محمد سامي بتقف معايا انا مش معاه هو.

مي عمر وحقيقة خلافتها في الفن

وعن الأقاويل المنتشرة عن وجود خلافات بينها وبين عدد من نجوم الفن، قالت مي عمر: استغربت لما سمعت كلام استاذة فريدة سيف النصر عن مسلسل رانيا وسكينة، وهي فنانة مهمة جدًا، وانا وروبي صحاب جدًا، ومفيش مرة اختلفنا في وجهات النظر، ولما المسلسل خلص زعلنا عشان مش هنشوف بعض كتير تاني، ومعرفش ازاي فريدة سيف النصر قالت كده.

أما بشأن فيلم هارلي لللفنان محمد رمضان وقصة وضع اسم محمود حميدة على تتر العمل، قالت مي عمر: مزعلتش من استاذ محمود حميدة وبحبه جداً، ومبسوطة اني اشتغلت معاه واتعرفت عليه، وانا ماضية الفيلم من زمان ومتفقة على اسمي يتحط فين، لكن مشكلته مش معايا، والشغل معاه يكبر،  واتفاقه كان حاجة تانية خالص مع جهة الانتاج.

مسلسل نعمة الأفوكاتو الحلقة الأخيرة.. إعدام صلاح بعد قتل سارة وزواج مي عمر من ياسين

مي عمر: فيلم هارلي بتاع محمد رمضان فطبيعي يتحط اسمه في الأول

وتابعت: فيلم هارلي بتاع محمد رمضان وطبيعي اسمه يتحط الاول، وكان للزم يحصل اتفاق ويوصلو لحل يرضي كل الاطراف، بحس يغضب لما احس بظلم، ولما اتصدم في ناس كنت فاكره انهم كويسين والاقي العكس، وفي فترة من الفترات كان في حياتنا ازمة معروفة لكن عرفتنا الناس من حوالينا، وناس طلعت تهاجم عشان تطلع تريند، ومنهم كانوا صحابنا لكن اتصدمت فيهم".