مي عمر تثير الجدل: ناس بيقبضوا فلوس قالولي على فنانة بتدفعلهم عشان يهاجموني

أثارت الفنانة مي عمر الجدل بعد استضافتها في برنامج أسرار لأميرة بدر المُذاع عبر شاشة قناة النهار الفضائية، وذلك بسبب تصريحها عن مهاجمتها من إحدى الفنانات ومعرفتها بالشخصية التي تهاجمها مما جعلها تثير فضول الجمهور وبدأوا يفكرون من تكون.

مي عمر: عرفت مين الفنانة اللي بتقبض الناس عشان تهاجمني.. برنامج أسرار

وكشفت مي عمر لأول مرة عن الشخصية التي تهاجمها بلجان إلكترونية مأجورة وأكدت معرفتها بها من خلال لقائها في برنامج أسرار لأميرة بدر والذي رصده موقع تحيا مصر، وقالت: "عرفت الشخصية اللي بتهاجمني وهي فنانة لكن مش عايزة أصرح عنها والحاجات دي بتبقى معروفة وبيبقى معروف هي مين، وناس من اللي قبضتهم فلوس عشان يهاجموني قالولي لكن بحاول أركز في نفسي وشغلي، هي كانت في الأول بتضايقني زمان لأني بلاقي كلام غريب ومش مفهوم، لكن بطلت ولقيت ربنا بيعوضني بحاجات حلوة وفي الآخر نجاحي هو اللي بيرد ومهما حصل هجوم ومهمت اتأجر ناس بيبقى أصغر من النجاح".

وتابعت حديثها موضحة رأيها في هذه الطريقة عندما سألتها الإعلامية أميرة بدر عن سبب عدم مهاجمتها للفنانة التي تهاجمها بنفس الأسلوب، قائلة: "ربما يكرمها في شغلها ومعاها، أنا بحس إن دا شر بين ولو عملت كده ربنا عمره ماهيكرمني، ودي أسهل حاجة ممكن نعملها عشان نعلي نفسنا بيها".

مي عمر تتحدث عن طريقة استقبالها للنقد في برنامج أسرار

وتابعت مي عمر حديثها عن النقد الموجه لها وكيف تستقبله، وأكدت أنها تتقبل النقد البناء من الشارع وليس الهجوم الغير مبرر أو النقد من اللجان الالكترونية المأجورة، وقالت: "بحب أشوف نقد الناس وردود أفعال الشارع أكتر، عمري مابسد ودني عن النقد ومش كل حاجة أقول دي لجنة بالعكس أوقات بقول يمكن دا حقيقي وبحب أقرأ النقد الحقيقي وبقول يمكن فيه حاجة مفيده ليا وفيه نقاد معينين بحب أسمع رأيهم ومنهم الأستاذ طارق الشناوي بحبه جدًا ولما بيتكلم عليا في حاجة كويسة أو حاجك وحشة بحب أسمعها وأستفيد منها، ومن ناحية تانيه في نقد مبالغ فيه جدًا مش نقد على قد ماهو شخصنة فلازم نكون منطقيين في النقد وندي كل حد حقه مش ننقد بدون مبررات".

مي عمر: محمد سامي مخرج أي حد يتمنى إنه يشتغل معاه

وتطرقت مي عمر في برنامج أسرار إلى الحديث عن المخرج محمد سامي وإعادة تجربة العمل معه بالرغم من كل الانتقادات التي تعرضا له سويًا في مشاركتهما في أعمال سابقة، وقالت: "عمري ما أحرم أشتغل مع محمد سامي لأنه مخرج أي حد يتمنى يشتغل معاه، واحنا قصة حب قديمة أوي حتي من قبل مايتعرف كنت بتفرج على شغله وبشجعه وبحبه وبشوف مجهوده وضميره في الشغل وكنت بستنى اليوم اللي اشتغل فيه معاه، ومن حظي السنادي أنه مخرج عملي".

مي عمر تتحدث عن مسلسل نعمة الأفوكاتو: نعمة تمثل سيدات كتير نعرفها في حياتها

وأوضحت مي عمر رأيها في مسلسل نعمة الأفوكاتو وشخصية نعمة كيف تراها، وهل ترى أنها حقيقية وأن توجد سيدات تضحي بهذا القدر في الحقيقة من أجل الحب، وقالت: "حبيت شخصية نعمة عشان طريقة كلامها وهزارها وردودها كل حاجة مختلفة حتى لبسها.. نعمة شبه ستات كتير نعرفها ومقدرش أقول انها غلط في تضحيتها لكن الغلط في رد فعل الراجل لكن بردو في رجالة كويسة".