فاروق فلوكس: بقالي 5 سنين مبيتعرضش عليا أدوار.. ومقبلش اعمل دور بلطجي زي محمد رمضان

تحدث الفنان فاروق فلوكس، عن فترة غيابه عن الساحة الفنية والتي وصلت لـ 5 سنوات، مؤكدًا أن الجيل الجديد يرفض تشغيل الجيل القديم، بجانب الكشف عن تفاصيل خلافه مع الفنان عبد الرحمن أبو زهرة.

فاروق فلوكس: غيبت 5 سنين عن الفن ومتعرض عليا اي ادوار

وقال فاروق فلوكس، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي" في تصريحات رصدها موقع تحيا مصر: غيبت 5 سنين عن الفن، ومتعرضش عليا أدوار خالص طول الفترة دي، وكل الجيل القديم مبيشتغلوش، والجيل الجديد مش عايز الجيل القديم، الجيل الجديد رافض تمامًا الجيل القديم تأليفًا وإخراجًا وتمثيل.

وتابع فاروق فلوكس حديثه: السبب التاني في ابتعادي أن جالي حاجة في عيني خلاني عندي ضعف نظر في القراءة، ومن مشاكلي حاليا أني مبعرفش أقرأ قرآن ومبعرفش أمضي، وسجلت كتاب واتفرغ 500 صفحة فيه كل تاريخي.

فاروق فلوكس: دوري في الراقصة والسياسي عمل ليا مشاكل

وتحدث فاروق فلوكس عن مشاركته في فيلم الراقصة والسياسي: دوري في الراقصة والسياسي، الأستاذ وحيد حامد الله يرحمه كلمني وقالي في رواية لفيلم أنا عامله عايزك تشتغل معايا فيه، قولتله هو أنا أطول أشتغل معاك؟، وقرأت الرواية وطيرت بيها، والشخصية كانت لونة وبتتعاطى المخدرات، وكان لازم أخفف الشخصية بالشكل اللي عملته فيها، وإلا كان هيبقى دمه تقيل أوي.

وأوضح فاروق فلوكس، أن شخصيته في الراقصة والسياسي، سبب العديد من المشاكل لأولاده، قائلًا: والدور ده عمل ليا مشاكل، وعمل لأولادي مشاكل في المدرسة، وكانوا بيتعاملوا معاهم بطريقة وحشة، واضطريت أني أروح المدرسة وأقابل الناظر الإنجليزي، وأدخل الفصول وأشرف لهم أن ده دور وتمثيل وصقفولي، وفهمتهم التمثيل وأنواعه والشخصيات المؤثرة.

فاروق فلوكس: فؤاد المهندس قالي سيب العمرة وتعالى زورني

فاروق فلوكس: جالي جلطة بسبب مها أحمد وسيبت والدتي ميتة في البيت وكملت المسرحية

فاروق فلوكس: مقدرش أعمل دور بلطجي زي محمد رمضان 

وعلق فاروق فلوكس، على تصريحات محمد رمضان، قائلًا: محمد رمضان قال مقدرش أعمل دور صبي عالمة، وأنا مقدرش أطلع بلطجي في مسلسل، هو كان عنده كام سنة لما أنا عملت الراقصة والسياسي؟ إشمعنى فاروق فلوسكي؟ ما خالد الصاوي وغيري عمل الشخصية دي، وأنا بقى مقدرش أمسك عصاية وأعمل خناقة، مينفعش معايا لا شكلًا ولا موضوعًا، هو له قدرة على كدة ودي حبكة درامية عنده بيحبها، وأنا لا أعيبه ولكن هو يعيب فيا وهو عيل صغير؟، هو ممثل شاطر وله قبول، يخليه بعيد عن الناس القديمة اللي زينا.