بالدموع.. بسمة بوسيل تكشف عن وصية والدها لها قبل وفاته.. ورفضها زواج ابنتها من شخص مشهور

صرحت الفنانة بسمة بوسيل في برنامج ع المسرح الذي تقدمه الإعلامية منى عبد الوهاب عن تفاصيل في حياتها الشخصية لأول مرة تعلن عنها بالإضافة لحديثها عن والدها وتفاصيل وفاته ووالدتها، كما كشفت عن وصيتها لابنتها خلال حلقة البرنامج عبر شاشة قناة الحياة.

بسمة بوسيل تكشف عن وصيتها لابنتها في برنامج ع المسرح

وكشفت بسمة بوسيل عن وصيتها لابنتها في برنامج ع المسرح والذي يُعرض عبر شاشة قناة الحياة ويرصده موقع تحيا مصر وصرحت بعدم رغبتها في زواج ابنتها من شخص مشهور وأنها لن تقبل بذلك مهما حدث حيث قالت: "أنا مش عايزاها تتجوز واحد مشهور، ممكن تلاقي حد كويس أوي لكن لو هو مشهور دا يضيع كل حاجة والشهرة ساعات بتبقي لعنة.. ولازم يبقى مؤمن وقريب من ربنا عشان يراعي ويتقي ربنا فيها، ولو جه واحد مؤمن وقريب من ربنا بس مشهور هرفض وهقف قدام الجوازة".

بسمة بوسيل: توقعات أمي ليا هي اللي خلتني عصبية وتحت ضغط

كما تحدثت الفنانة بسمة بوسيل خلال لقائها مع الإعلامية منى عبد الوهاب في برنامج ع المسرح عن طريقة تربية والدتها لها وعلاقتها بأن تتكون لديها شخصية عصبية وانفعالية فقالت عن والدتها: "أنا من وانا صغيرة أمي عايزاني دايما أحسن واحده في كل حاجة وطول الوقت عايزاني كويسة جدا، وعرفت من قريب إنك لما تبقي عايشة طول الوقت في ضغط إنك لازم تكوني كويسة دا هيخلي غضبك سريع وعياطك سريع وهيأثر فيكي وكمان أنا صريحة جدا ومبعرفش أنافق".

بسمة بوسيل عن سعد المجرد: مش طبيعي إن ست تطلع لراجل غرفته وبدافع عن ابن بلدي

بسمة بوسيل تكشف عن سبب طلاقها من تامر حسني: حياته صعبة جدًا ومتعبة

بسمة بوسيل تصرح عن وصية والدها لها قبل وفاته في برنامج ع المسرح

وتابعت بسمة بوسيل حديثها عن والدها وروت تفاصيل وفاته وكشفت عن وصيته لها قبل وفاته لأول مرة على الهواء، حيث قالت: "أبويا كان حزين عليا وكان حاسس بيا وكنت ببقى نايمة بيجي يطمن عليا يشوفني صاحية ولا نايمة ولا بعيط ابويا كان قريب جدا مني.. قبل ما يموت قالي نفسي اشوفك مبسوطة ومش عايز أشوفك متدايقة تاني ويوم ما مات كنت رايحة المستشفي وعارفه انه هيموت واخر حاجة قالهالي قالي متبطليش غنا، وانا متأكدة إنه لو شافني دلوثتي هيبقي مبسوط بيا".

بسمة بوسيل: أنا وتامر وصلنا لمرحلة إننا عندنا مشاكل ومش عارفين نتكلم

وتطرقت بسمة بوسيل خلال استضافتها في برنامج ع المسرح للحديث عن تفاصيل الطلاق عن الفنان تامر حسني كما صرحت عن عدة أسباب أدت بهم إلى الانفصال بالإضافة لنظرة المجتمع للمطلقة وقالت: "المجتمع بينظر للطلاق على إنه كارثة سواء في المغرب أو في مصر مع إنه ممكن يكون بداية جديدة للزوجين، احنا فعلًا وصلنا لمرحلة إننا بينا مشاكل ومش عارفين نتكلم ودا أثر علينا جدًا، فكان ضروري يحصل الانفصال ونهدأ".