انتصار: شيماء سيف بتطلع تتكلم عني في البرامج وتقبض.. وخناقتي أنا وكاملة مش عشان التأخير

وقعت الفنانة المصرية انتصار ضيفة حلقة اليوم الأحد الموافق 24 مارس من برنامج رامز جاب من الآخر الذي يقدمه الفنان رامز جلال عبر قناة Mbc مصر.

خلاف انتصار مع كاملة أبو ذكري

وقالت انتصار عن خلافها مع كاملة أبو ذكرى في تصريحات يرصدها تحيا مصر: متخنقناش عشان تأخيري هي اللي اتخانقت معايا.. وأنا آسفة يا كاملة لو زعلتك.

انتصار ترفض الاعتذار للفنانة شيماء سيف 

وعن خلافها مع شيماء سيف، أوضحت: بتتطلع تتكلم في البرامج وتطلع اصالحها واعتذرلها ليه.

من جانبه، قالت انتصار في برنامج نفسنة: الحالة الميؤوس منها هي اللي بتجمل كلمة السنجلة علشان تداري الألم والوجع اللي حصلها من الانفصال، في رجالة كتير حلوة بس مفيش جواز لأن البنات خرجت تشتغل فالرجالة قعدت على القهاوي، هيتجوزوا منين ما إنتوا خدتوا مكانهم، فأنا رأيي انسحبوا من سوق العمل وسيبوهم هما يشتغلوا.

وتابعت: البنات ساعات بتلجأ أنها تقول أنا سينجل من باب أنه مجاش حد، فبدؤا يروجوا لفكرة السينجل علشان متقولوش أنها معنسة أو متأخر الجواز، أو مطلقة ومجاش لها عريس عايز يتجوز تاني، دي تقيلة برضو، وكل ما يبروز أنها غير مرغوب فيها فتقول إنها سينجل مع إنها نفسها تتجوز ويكون لها بيت وأسرة.

وأضافت: الحياة مش حب وبس، الحياة اتنين بيساعدوا بعض، وبيحلموا مع بعض وبيفوتوا لبعض، وبيحطوا إيديهم في إيد بعض علشان يواجهوا الدنيا، والمروجين للسنجلة ضدكم وضد كل الستات، وضحكوا علينا وقالوا لينا اشتغلوا عشان نشتغل فالرجالة تضايق، وخدنا مكانهم والرجالة بقى عندها بطالة، وأنا بقول الكلام ده على مسؤوليتي.

وأوضحت: ضحكوا علينا وبقينا سناجل، 40 سنة وسينجل؟ يعني هتعملي إيه هتكمليها سينجل؟، مترضيش بضغوط من أي راجل في الدنيا وخليكي واثقة من نفسك.

هذا وقالت: مفيش حاجة اسمها كل الرجالة خاينين ووحشين، ليه ما الراجل ده أبوكي وأخوكي وابنك اللي مخلفاه من بطنك، وابن عمك اللي بيخاف عليكي وبيرعاكي، كل دول وحشين؟ ولا إنتي مركزة بس في العلاقة العاطفية مع الزوج والحبيب؟ الرجالة اختزلتيهم في دول؟ في حاجة اسمها بعض ونسبة، وناخد كل نسبة بحالتها وتربيتها.

بعد تصريح كاملة أبو ذكري عن عدم انضباطها.. انتصار ترد: اتكلمي عن شغلك ومتذميش في زمايلك

انتصار تفتح النار على أصحاب المناصب: المفروض يعملولهم جلسات نفسية.. برنامج ع المسرح

وتابعت انتصار: في تسخين وتقوية شوكة ويتقال متسكتيش وعقد نفسية، وتحس داخلة الموضوع متحفزة بدل ما يكون في صفاء نفس، ومتطخيش ومترضعيش ومتديلوش فلوس من بتاعك، هو أنا عايشة مع عدوي؟ ما تدبحيه وتخلصي.

وأضافت، البنت يبقى فيها العبر، وبتقول ده جري ورايا هو كان يطول؟، يطول إيه ده الشرع محلل له 4، هو إيه علشان يطول ضفرك.