صلاح الشرنوبي: مشاريعي مع عمرو دياب لم تكتمل.. ولم أقتنع بمصطفى كامل كنقيب في البداية

تحدث الموسيقار صلاح الشرنوبي عن مشاريعه التي لم تكتمل مع الهضبة عمرو دياب، وذلك خلال لقاء له ببرنامج حبر سري المذاع عبر شاشة تلفزيون قناة القاهرة والناس، والذي تقدمه المذيعة أسما إبراهيم.

صلاح الشرنوبي: عمرو دياب ذكي ذكاء خارق

وقال صلاح الشرنوبي في تصريحاته التي يرصدها موقع تحيا مصر: لازم كنت أعمل تاريخ مع عمرو دياب لأنه عارف يسوق نفسه صح جدا وبيعمل الحاجات اللي تليق عليه جدا ومعندوش هفوات خالص ومتميز، ومندمتش على عدم التعاون معاه لأني قابلته أكتر من مرة وبنفكر في مشاريع سوا بس المشكلة أنه سايق المسألة بطريقته، والمشروع اللي بيننا مكملش، مكنش عندي مانع أنه يسوق لأني شايف سواقته صح، وهو ذكي ذكاء خارق، وكان نفسي أعمله حاجة أنا تميزت بيها، وعلى فكرة هو اللي أطلق عليا متميز في سرعة 90 وقال عني حاجات كتيرة أوي.

وتابع: أغنية ايه سهرني وايه حيرني اتنفذت وتم توزيعها وعمرو دياب لقاها مش مواكبة مع المجموعة اللي اختارها، ومش أنا اللي اخدتها منه، هي تركت واخدتها اديتها لسميرة سعيد، ومفيش خلاف حصل بيني وبين عمرو، واشتغلنا بعدها على اغنية بيني وبينك وبردو محصلش نصيب وإيهاب توفيق اللي غناها.

صلاح الشرنوبي: مكنتش مقتنع بمصطفى كامل كنقيب

وفي اللقاء ذاته كشف صلاح الشرنوبي عن رأيه في إدارة كلا من هاني شاكر ومصطفى كامل لنقابة المهن الموسيقية، فقال: كان في مجموعة متسلطة في مجلس الإدارة في النقابة، وهاني شاكر اسم مشرف بس كان فيه شوية لغبطة، وإدارة مصطفى كامل بتعجبني أنا في الأول مكنتش مرحب، عشان كنت عايز واحد ملحن مش مطرب، مصطفى عنده مزايا أنه مطرب ومؤلف وملحن دي مزايا بس بتشتت بعضيها وهو مدير جدا وعارف يديرها صح وعرف يسيطر على المسألة.

محمد الشرنوبي عن حفل عمه صلاح الشرنوبي: مبسوط اني كنت جزء من ليلة كبيرة وضخمة زي دي

نانسي عجرم بعد حفل صلاح الشرنوبي: اللي بيحصل في السعودية فخر كبير لينا كعرب

حديث أصالة في حفل ألحان صلاح الشرنوبي

وسبق وأن أعربت المطربة السورية أصالة نصري عن سعادتها بتواجدها في حفل ألحان صلاح الشرنوبي، الذي أقيم منذ عدة أشهر بالمملكة العربية السعودية على خشبة مسرح أبو بكر سالم.

وقالت أصالة على خشبة المسرح أمام الجمهور في حفل ألحان صلاح الشرنوبي الذي يرصده موقع تحيا مصر: شكرا للمملكة العربية السعودية اللي حققت أحلام كتيرة لفنانين ومبدعين كانوا بيحلموا يعيدوا ليالي قديمة كنا بنشوفها وكنت بتخيل أنها حلم.. شكرا للمملكة اللي خلت الأحلام حقيقة وعملت لينا مسارح وجمعت فرق واهتمت بأدق التفاصيل لحد ما عملنا حفلات فاقت أحلامنا ألف شكر.