عشرة 20 سنة.. أسرة ضحية جارتها في الغربية: خلصت عليها عشان الذهب| فيديو

تطورات مثيرة ومأساوية في واقعة مقتل سيدة الغربية السيدة جمالات على يد جارتها، حيث أنهت حياتها لسرقة ذهبها ويرصد موقع تحيا مصر التفاصيل الكاملة في واقعة مقتل سيدة الغربية.

خطوبته كانت بعد العيد.. والد ضحية لقمة العيش بـ ليبيا: راح عشان 50 دينار | فيديو

جريمة فتاة المرج.. أسرتها كشفت علاقتها وربطوها وقتلوها صعقا بالكهرباء

تفاصيل مقتل سيدة الغربية على يد جارتها

وقالت أسرة سيدة الغربية ضحية جارتها لـ موقع تحيا مصر، أنها كانت تقوم بمساعدة جارتها وتقيم معها طوال اليوم حتى أنها كانت تأكل معها في طبق واحد، إلا أن جارتها في النهاية أنهت حياتها بعد عشرة 20 عاما وقامت بتهشيم رأسها لسرقة ذهبها.

وتابعت زوجة ابن ضحية جارتها في الغربية، كنا بره عند عمتي واتحايلنا على حماتي عشان تيجي معانا مرديتش وبعد المغرب جينا وبنتصل بيها مردتش علينا، وروحنا نشوفها لقينها مرمية في الحمام وما بتردش علينا وجيبنا الإسعاف ولقيناها توفت، وروحنا المركز وأنا شوفت المتهمة الساعة 9 الصبح عندها.

أسرة ضحية جارتها: خلصت عليها عشان الذهب

وأكملت زوجة ابن ضحية الغربية، الست دي كانت على طول في بيت حماتي وعشرة عمر سنين طويلة وهي معاها، وعلى طول بتبعت لها الأكل وكانت مفضلاها على الكل، وأنا متجوزة من 16 سنة وعما عارفينها من سنين كبيرة، هي اللي دخلت وخلصت عليها وعملت معاها كل ده عشان تسرق الدهب.

وقال نجل الست جمالات سيدة الغربية، المتهمة ملحقتش تاخد الحلق واستلمناه في المشرحة، وهو ده اللي اتفضل منها وياريتها كانت خدرتها لكن خلصت عليها وكسرت دماغها عشان تسرق الذهب، لكن الحمد لله والفضل لله والشرطة اللي مسكت المتهمة في أيام بسيطة.

نجل سيدة الغربية: مكنتش مصدق لحد ما المسروقات جت

وتابع نجل سيدة الغربية، أنا كنت في القاهرة وشغال هناك ووصلني تليفون الحق والدتك مغمي عليها، أخويا اتصل قالي الحق أنا رايح المستشفى واكتشف أنها مضروبة على دماها والجمجمة مكسورة وهي مخنوقة ودهبها مسروق ولكن ليه كل ده وفي شرع مين بعد الخير اللي عملته تخنقها بالجلابية.

وأكد نجل سيدة الغربية، أمي كلمتني وقالتلي الست هتجيلي وتاخد مني 800 جنيه قولتلها هديها 1000 جنيه، أتاري المتهمة كانت بتفتري فيها وضربتها جامد على دماغها وكسرت رأسها حسبي الله ونعم الوكيل فيها، وربنا شاهد عليها باللي عملته في أمي اللي مكنتش بتسيبها خالص.

وأضاف نجل سيدة الغربية، مقدرتش أشوفها في النيابة وهي متاخدة مع زوجة أخويا في البوكس وحماتي كانت بتقولها أنتي بنتي والمتهمة عندها 45 سنة قد بنات حماتي ومعاها 5 بنات وكانت بتيجي والحاجة مكنتش بتستخسر فيها حاجة وفي الأخر أخدت الذهب وخصلت عليها، ومكنتش مصدق لحد ما المسروقات رجعت.