برنامج ع المسرح| دينا: مفيش حاجة اسمها حب.. دا حتى روميو وجوليت سموا بعض

تحدثت الفنانة والراقصة دينا خلال استضافتها في برنامج ع المسرح مع الإعلامية منى عبد الوهاب المُذاع عبر شاشة قناة الحياة الفضائية، عن الكثير من التفاصيل في حياتها وأبرزها الصراعات التي وقعت بها وواجهتها أمام المجتمع ورغبتها وإصرارها في تغيير نظرة المجتمع للراقصات بالإضافة إلى حديثها عن نظرتها للحب وكيف كانت علاقتها مع زوجها الوحيد الذي رأته يصلح كأب.

دينا في برنامج ع المسرح: كل جوازاتي اتطلقت فيها بسبب الرقص

وصرحت دينا عن الكثير من الأسرار في حياتها الشخصية التي جاءت صادمة للجمهور، وذلك خلال حوارها مع الإعلامية منى عبد الوهاب في برنامج ع المسرح الذي رصده موقع تحيا مصر، وعلقت دينا عن سبب طلاقها في تجاربها السابقة في الزواج وقالت: "أنا كل جوازاتي كانوا بيكرهوا الرقص ماعدا سامح الباجوري، وفي الآخر كنا بنتطلق بسبب الرقص ومبيكونش في أي أسباب تانية.. بيبقوا داخلين ومتخيلين إني هبطل الرقص وبيخيروني بينهم وبين الرقص ف بختار الرقص بيلاقوا قدامهم وش خشب ودماغ خشب".

دينا تتحدث عن زوجها سامح الباجوري: هو الوحيد اللي شوفته يصلح كأب

وتابعت دينا حديثها عن زوجها المخرج سامح الباجوري لتوضح لما هو الوحيد الذي اختارته لتنجب منه ابنها وتفاصيل علاقتها به قائلة: "سامح الباجوري كان قمر لو سألتي أي حد هيقولك وحبه ليا كان بيبان في عينه، وهو اللي خلفت منه عشان كنت مقتنعة بيه وكنت مقتنعة إنه أب كويس، إنتِ لما بتيجي تتجوزي عشان تخلفي بتبقي بتختاري لإبنك فالموضوع مختلف عن لما تكوني بتتجوزي عشان تتبسطي، أنا انهارده لو اتجوزت هتجوز عشان محتاجة ونيس مش عشان محتاجة أخلف".

برنامج ع المسرح| دينا: أنا رقاصة بس عندي حدود مش أي حاجة بعملها

برنامج ع المسرح| دينا: رقصت تاني يوم وفاة أبويا ويوم وفاة جوزي عرضت مسرحية

برنامج ع المسرح| دينا تكشف عن نظرتها للحب: مفيش حاجة اسمها حب

وتطرقت دينا خلال حديثها لتوضح نظرتها للحب وكيف تراه وما الذي يمثله الحب في حياتها لتأتي تصريحاتها على غير المتوقع حيث قالت: "عمري ماحبيت من طرف واحد.. بالنسبالي مفيش حاجة اسمها حب وأنا مش مؤمنة بالحب، أنا شايفة إن الحب حالة احنا بنعملها  عشان نبقى عايشين في جو رومانسي، في حاجة اسمها رومانسية بس مفيش حاجة اسمها حب، دا حتى روميو وجولييت في الآخر سموا بعض..لو العقل والقلب اتفقوا على حاجة واحدة تبقى دي العلاقة السليمة لكن مفيش حاجة اسمها بحبه وهموت نفسي والكلام دا أنا مبقتنعش بيه".