مواجهة نارية.. إمام عاشور يكشف حقيقة تواصله مع ميدو من أجل العودة للزمالك

كشف اللاعب إمام عاشور عن حقيقة تواصله مع أحمد حسام ميدو نجم الزمالك السابق، رغبًة منه في العودة للزمالك خلال وقوعهما ضحايا الحلقة الجديدة من برنامج رامز جاب من الآخر الذي يقدمه الفنان رامز جلال.

إمام عاشور ينفي تواصله مع ميدو من أجل العودة للزمالك 

وقال إمام عاشور في تصريحات يرصدها تحيا مصر: محصلش أني كلمت كابتن ميدو هو اللي كلمني.

وتوجه رامز جلال بالسؤال لإمام عاشور قائلًا: لو رجع بيك الزمن هتفضل في الزمالك ولا هتروح الأهلي، ليرد الأخير: هروح الأهلي طبعًا. 

ضحايا رامز جلال

من جانبه، كانت قالت عارفة عبد الرسول عبر حسابها الرسمي بموقع التواصل الاجتماعي فيسبوك عن وقوعها ضحية رامز جلال: اتصلت بيا واحدة وبكل الحب قالتلى احنا بنفتخر بيكى ونفسنا تحضرى معانا افتتاح محل فى البوليفارد.

وتابعت عارفة عبد الرسول: من فرحتى مسالتش محل ايه لان كان نفسي اروح السعوديه وكل اللى شغلنى الوقت وزنقه رمضان بس البنت كانت شاطره وعرفت تدبر الميعاد، خلص تصوير واطلع ع المطار الحق اخر طياره افتتح المحل واطلع ع المطار...كده يعنى صد رد ولكم ان تتخيلوا الارهاق والتعب.

وأضافت: من اول ماحطيت رجلى فى المطار وانا باعامل كملكه..خدمه مرحبا وكبار زوار وحوسه....وصلت اخدتنى عربيه فارهه الى فندق هيلتون الرياض ونزلت فى حته نتفه سويت يجرى فيه الخيل وكل حاجه تاتش بقيت خايفه المس حاجه تفرقع فى وشى...الروم سيرفز كل شويه يخبطوا جايبين تحيه من مدير الاوتيل وكارت بالانجليزى معناه ان اداره الاوتيل فى غايه الانفشاح لاستقبالي.

عارفة عبد الرسول تعلق بعد وقوعها ضحية رامز جلال 

واستطردت عارفة عبد الرسول: افتح التليفزيون الاقى صورى بفيديو لطيف وقد ايه احنا مش مصدقين انك معانا...تخيلوا معايا بس الحاله اللى انا فيها...الصبح جم بنات كوافير وماكيير والبنت اللى اتصلت بيا واسمها شريفه...بقت تسالنى اسئله عرفت بعدين انها بتشوف شغلها...اطمنت عليا لانى جايه من تصوير واصرت انى اطاطلب اكل واكل قبل ماننزل.

وأردفت: وصلت قابلتنى المذيعه الجميله كارلا المريحه للعين والقلب وخضت تجربه السهم والخيل وانا فرحانه وقصيت الشريط بمقص تحفه ودخلت ع المطعم اللى كل حاجه فيه بتلمع قوى والشياكه والجمال وانا بازداد سعاده وفرحه مافرحتهاش عمرى ...ووصل الشيف الكبير هو انا فعلا استغربت شكله وقولت لنفسى انه شبه الارهابيين اسود.