أحمد سعد يكشف أسرار مثيرة عن شقيقه العالم

كشف المطرب أحمد سعد أسرار مثيرة عن من شقيقه العالم الذي يدعى سامح الذي تفوق في دراسته والعلم وسفره لمؤتمرات عالمية وعلاقته بالعالم احمد زويل.

أحمد سعد بـBIGTIME: أنا خرمت وداني في وقت الحياة كانت مخرومة معايا

عصام صاصا يقرأ قرآن على الهواء لأول مرة في برنامج أسرار

وقال أحمد سعد خلال لقائه مع الإعلامي عمرو أديب وأصالة في بودكاست Big Time، إن شقيقه الآن حالته المادية ليست على ما يرام، مؤكدا أنه لو كان فنانًا مثل شقيقهما الثالث عمرو سعد، أو مثله، كانت حالته المادية ستكون أفضل حسب رأيه.

وتحدث أحمد سعد عن شقيقه العالم، خلال ، إذ قال: سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر.

أحمد سعد يسخر من شقيقه العالم

وتابع أحمد سعد: سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجيستير ودكتوراه، كان الأول على اليابان، وأمريكا أخدته، عملوله معمل من أهم 10 معامل في العالم، وزويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128.

كما تحدث الفنان أحمد سعد عن أسرته، واشقائه الـ 8، حيث قال: إحنا 9 أولاد، وأنا رقم 7، أبويا كان جوارديولا، وأنا كنت بخدم الـ 8 أخواتي، وفي يوم قررت أعمل ثورة عليهم، لكن كنت بحضر لها جوا مخي، أخويا شالني ورماني برة وقفل الباب، وروحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا.

أزمة تيشيرت الشبك والحلق

وقال أحمد سعد :" أنا بحب اعرف الاستايلات في الموضة ولما ابتدت الدنيا تبقى في أحسن حال بفضل الله والأغاني تنجح بدأت أعمل زي باقي الناس، وسافرت إيطاليا وشوفت أعظم إستايليست في ميلانو، وطلبت منه يلبسني أحسن حاجة لي وجابلي تيشيرت الشبك ده وقالي هيولع الدنيا، وكملت الاستايل بلبس حلق، وانا خرمت وداني في وقت الحياة كانت مخرومة معي، ولكن الناس محبوش يشفوني في الحتة دي، وبعد ما الناس هجمت عليا الناس صحتني واعتذرت لهم أكتر من مرة".

وتابع: "طبعا اللي عملته كان غلط واعتذرت عنه، ولو البنات أحيانا بتعمل أشياء غريبة أنا عملت زي البنات".

أوضح أحمد سعد أنه فوجئ برد فعل الجمهور الفاتر تجاه إطلالته على المسرح بالقميص الشبك قائلا: "الشبك كان تريند، وقلت علشان آخد التريند كله على المفتاح أضرب الحلق، وطلعت على المسرح على أساس إن الفترة القادمة هيعملوا جلاليب شبك، لكن محصلش حاجة".

وكشف أحمد سعد عن أول من انتقد إطلالته الجديدة بقوله: "أول حاجة أم واحد صاحبي كلمتني، وقالت يخرب بيتك إيه اللي عملته ده يا واد، وقلت ست قديمة مش فاهمة الموضة، لكن نزلت لقيت الدنيا مقلوبة".

ووصف أحمد سعد تغير نظرته للتريند بعدها قائلا: "بقى عندي حاجة مهمة، إن التريند مهم لكن الناس هيقولوا عنك إيه".

يذكر أن أحمد سعد وأصالة تعاونا في أغنية "سبب فرحتي"، التي جاءت بمناسبة عيد الحب الشهر الماضي، وهي من كلمات محمد الشافعي، وألحان أحمد سعد.

وطرح أحمد سعد مؤخرا أغنية "يا مولانا" مع مطرب الراب الجوكر، عبر قناته الرسمية على موقع YouTube، وهي من كلمات الجوكر.