ناهد السباعي: عملت تجميد بويضات.. ولسه معدتش من وفاة أمي

كشفت الفنانة ناهد السباعي عن قيامها بتجميد البويضات، وذلك خلال لقاء لها من حبر سري مع الإعلامية أسما إبراهيم، والمذاع عبر شاشة تلفزيون قناة القاهرة والناس.

ناهد السباعي: عملت تجميد بويضات

وقالت ناهد السباعي خلال تصريحاتها التي يرصدها موقع تحيا مصر: عملت تجميد بويضات، مخوفتش، ومامتي أصرت على دا، اللي حسيته بعد وفاة والدتي أني افتقدت حد أكون مهتمية بيه، ومعنديش وقت للجواز، ومش هسيب شغلي عشان راجل، أنا ضد أن الراجل أو الست يغيروا حاجة في شريك حياتهم، دا أكبر غلط، مفيش طباع بتتغير، مبحبش الراجل البارد ولا الغيور أوڤر.

ناهد السباعي: وفاة أمي غيرت فيا كل حاجة

وفي اللقاء ذاته، تحدثت ناهد السباعي عن وفاة والدتها، فقالت: وفاة أمي غيرت فيا كل حاجة ولسه معدتش منها، لسه بتعلم ازاي اعدي، وأتمنى الوجع يمشي مع الوقت.. برتاح في العياط وروحت لدكتور نفسي بعد وفاة اخويا والتجمعات العائلية والشغل بيفرق وبستقوى بربنا.. حلمت بيها مرتين كان اخويا داخل يعمل عملية بعد وفاتها، وكانت زي اللي بتقولي خلي بالك، ربنا رحيم بينا، وربنا اهلنا، مكنتش قاعدة في مصر طول الوقت، وكنت ببقى موجودة في تعبها، ربنا هيأني أني أبقى لوحدي، وفي الأول مكنتش مصدقة، وفي مواقف ببقى محتاجة رد منها فبلاقي حد بيقولي حاجة زي ما كانت أمي بتقولها.

ناهد السباعي: الانتقادات أخر همي.. ومش ممكن أقدم فيلم عن المثليين

مسلسلات رمضان 2024.. حسن الرداد يحتفل بزفافه على ناهد السباعي في محارب

وفي تصريحات أخرى قالت ناهد السباعي: عمري ما قولت أرفض اشتغل مع إيمي سمير غانم، اعتذرت عن فيلم التاروت لأنه مش شبهي ومشوفتش نفسي فيه.

ناهد السباعي: الانتقادات أخر همي

وفي جانب آخر من الحلقة كشفت الفنانة ناهد السباعي عن حبها الشديد للرياضة، وعدم اهتمامها بالانتقادات التي توجه لها بسبب مقاطع الفيديو التي تنشرها وهي تمارس الرياضة، وذلك خلال لقاء لها ببرنامج حبر سري، الذي تقدمه الإعلامية أسما إبراهيم، عبر شاشة تلفزيون قناة القاهرة والناس.

وقالت ناهد السباعي في تصريحاتها التي يرصدها موقع تحيا مصر: أنا بحب الرياضة وبصحى كل يوم الصبح لازم اتمرن ودا جزء من شغلي ومش بقصد حاجة من فيديوهات التمرين إللي بنزلها على السوشيال ميديا.