حمادة هلال يكشف عن سبب خلافه مع تامر حسني في رامز جاب من الآخر

كشف الفنان المصري حمادة هلال عن سبب خلافه مع نجم الجيل، الفنان تامر حسني وذلك خلال حلوله ضيف على برنامج رامز جاب من الآخر الذي يُعرض عبر قناة Mbc مصر.

خلاف حمادة هلال وتامر حسني 

وقال حمادة هلال في تصريحات يرصدها تحيا مصر: الخلاف اللي بينا بسبب أغنية بتاعتي وهو خد بس أنا مسامح.

حمادة هلال يتألق في مسلسل المداح أسطورة العودة 

ويعرض حاليًا للفنان حمادة هلال مسلسل المداح - أسطورة العودة بطولة حمادة هلال، فتحي عبدالوهاب، هبة مجدي، دنيا عبد العزيز، خالد سرحان، محمد عز، حنان سليمان، تامر شلتوت، صبحي خليل، سهر الصايغ، مي سليم، دياب، حمزة العيلي. تأليف أمين جمال، وليد أبو المجد، شريف يسري، إنتاج سيدرز آرت برودكشن – صباح إخوان"، إخراج أحمد سمير فرج.

وكان قال حمادة هلال خلال استضافته في برنامج يحدث في مصر والذي يعرض عبر قناة أم بي سي مصر: كل الأفلام والأجزاء الكبيرة في المسلسلات والسوبر هيرو بالنسبالهم هو راجل الدين بيخرج الشياطين واحنا مش بنخوف الناس العكس الناس بتشوف وبتعرف أن الحاجة دي سهل جدًا تبقى حواليك وفي نفس الوقت انت العلاج عندك اهو وهو ربنا مفيش احسن منه.

تصريحات حمادة هلال 

وتابع:احنا كنا على شعرة، و الشعرة دي انت ممكن تقول حاجة تضل بيها ناس تخلي الناس تقول كده وموضوع الجمل اللي مخلوق من نار مكنتش الناس تعرف كده وكان في الجزء الثاني.

وأضاف، أما في الجزء الثالث كان عن الأم ممكن تبقى حامل في شيطان هو الموضوع صعب وكان دراما وفتحنا باب الخيال والانسان وارد يحصله كده والرسول كان استعيذ من الشيطان في كل حاجة وربنا ذكر الحور العين في القرآن.

مسلسل المداح أسطورة العودة الحلقة 2.. حمادة هلال يتورط في جريمة قتل بسبب دياب

مسلسل المداح 4 الحلقة 5.. انتحار شقيقة حمادة هلال بعدما قتلت ابنتها

وتألق حمادة هلال بأغنية صاحبي، وهي  من كلمات محمد إبراهيم، ألحان حمادة هلال، توزيع وميكس وماستر هاني ربيع.

كلمات الأغنية

صاحبي اللي كنت أديه عنيا
وأموت لو كح شوية
هو اللي أول واحد باع
مش فارقة بقى وداع بوداع
على روحه هشرب شاي نعناع
وأبص لحياتي شوية

كان الحياة بالنسبالي
ومقامه وسط الناس عالي
انا لو عاتبته وفهمته
هذله وهقل في قيمته
أرخص ما فيه هو كرامته

لا لا لأه لأه لأه متقولش صاحبي لأه
من دولابي ياما نقى كان ناقص أجيبله شقة

لا لا لأه لأه لأه زقيته ألف زقة
على حسي ياما اترقى

صاحبي اللي بيجيب في سيرتنا
وهو متربي في بيتنا
اعاتبه إيه لا خلصانة
دي بيعة أصلا خسرانه
بكره هييجي يقول آسف
وهقوله على عيني ياريتنا

امي قالتهالي في مرة
صاحبك على القهوة و برة
مايخش بيتك إلا أمين
حرص عشان فيه بني آدمين
تعابين ولدغتهم مرة