برنامج ع المسرح| حلا شيحا تكشف عن سبب صفع والدها لها

حلت الفنانة حلا شيحا ضيفة على برنامج ع المسرح المُذاع عبر شاشة قناة الحياة والذي تقدمه الإعلامية منى عبد الوهاب، وصرحت خلال لقائها في برنامج ع المسرح عن عدة أسرار وتفاصيل في حياتها لأول مرة تكشف عنها وجاء أهمها كشفها عن سبب ضرب والدها لها لأول مرة في حياتها.

حلا شيحا: أحلى فترة مرت في حياتي هي حياتي مع أبويا في العجمي.. برنامج ع المسرح

 وتحدثت حلا شيحا خلال حوارها مع الإعلامية منى عبد الوهاب في برنامج ع المسرح والذي رصده موقع تحيا مصر، عن تفاصيل حياتها مع والدها وعند سؤالها عن فترة حياتها مع والدها والحرية التي حصلت عليها حيث أنها ولدت في منطقة العجمي أجابت: ’’ أنا واخواتي أكتر مرحلة بنحبها في حياتنا هي المرحلة دي مرحلة وجودنا في العجمي، لما بكون زعلانة أو بفكر في حاجة بغمض عيني خمس دقايق عشان أهدى فبروح للعجمي وحياتنا هناك وبيتنا والبحر ، أنا بحب المرحلة دي جدًا في حياتي كنت رايقة وصافية ومش بفكر في حاجة’’.

برنامج ع المسرح.. حلا شيحا: أبويا ضربني مرة واحدة في حياتي بسبب الكذب 

وكشفت حلا شيحا خلال حوارها في برنامج ع المسرح عبر قناة الحياة لأول مرة عن سبب ضرب والدها لها بالقلم موضحة أن السبب هو الكذب وأن والدها يكره الكذب، حيث قالت: ’’بصي أنا أبويا كويس جدًا وطيب، لكن في مرة واحنا في العجمي كنت أنا واخواتي عايزين نروح مكان وهو رفض فاتفقنا اننا هنروح لكن مش هنقوله وهنرجع بدري بس اتأحرنا، وأول مارجعنا سألني كنتوا فين وكذبنا فقالي لأ أنا عارف انتوا كنتوا فين واداني بالقلم’’.

وتابعت: ’’دي المره الوحيدة في حياتي اللي ضربني فيها وعمري ما نسيتها لأن هو الحاجة الوحيدة اللي ضايقته هي الكذب، وأنا فعلًا كبرت وأنا مبحبش ومبعرفش أكذب اللي عايزاه أو حساه بعمله وبقوله، لو حد سألني عن حاجة وحاولت أكذب هتكشف واحنا عموما مفيش حد عندنا في أسرتنا بيكذب احنا كنا كلنا بسطاء وطبيعين’’.

حلا شيحا تتحدث عن طريقة تربيتها لأولادها في برنامج ع المسرح 

وتطرقت الفنانة حلا شيحا خلال حديثها إلى طريقة تربيتها لأطفالها أو الأطفال بشكل عام من وجهة نظرها، وذلك بعد سؤالها عن طريقة تربية والدها لها هي وشقيقاتها، وقالت: ’’أنا بالنسبالي الحب والاحتواء يكفي إن الأولاد يسمعوا الكلام، لأن لما تحسي إن أمك وأبوكي خايفين عليكي أنتِ من نفسك مش هتبقي عايزة تغلطي حبًا ليهم لكن لو في جلد طول الوقت هتحسي إنك عايزة تهربي، أنا مش شديدة مع أولادي خالص مبقدرش وعمري ما لجأت للعنف معاهم’’