خالد يوسف: أنا ضد مصطلح السينما النظيفة ورفض الأحضان واللمس فهم قاصر للفن

كشف المخرج خالد يوسف عن رأيه في مصطلح السينما النظيفة ورأيه في النجوم الذين يرفضوا اللمس والأحضان والقبلات في الوسط الفني، مشيرا إلى أنه يرقض مصطلح السينما البسيطة.

خالد يوسف: رفض حضن فنان في عمل فني فهم قاصر للفن

وقال خالد يوسف في تصريحات رصدها تحيا مصر: اللي يرفض يمسك ايد أو يحضن فنان ده فهم قاصر للفن وأنا ضد مصطلح السينما النظيفة ده تماما لأني الفن ده حالة ونقل للواقع، مينفعش أجيب واحدة قاعدة في بيتها مع أسرتها محجبة عشان هي مربوطة بالحجاب هي كدة بتخرجني عن أشياء وأبعاد في الشخصية اللي بقدمها وحاجات مش حقيقية.

وأكد: الفن حالة تعبر عن الحياة بكل مفردتها.

خالد يوسف: أي فيلم صاحبه بيكون المخرج

وتطرق خالد يوسف بحديثه عن إنساب أعماله الفنية له وليس البطل، قائلا: أي عمل فني صاحبه بيكون المخرج مش البطل وده حقيقة وواقع هو اللي بيكون قائم على كل شيء في الفن، ولكن لو حد نسب الفيلم للبطل دي حاجة متضايقينش وفي لإسكندراني قولت للسوشيال ميديا قدموا أحمد العوضي لأن كان كل هدفي أطلع موهبة زيه للسينما.

وأكد خالد يوسف: أنا اشتغلت بجهدي وبعرقي ووصلت للي أنا فيه ده بسببهم وليا اتجاه لوحدي نجحت فيه.

وكانت من بين تصريحات خالد يوسف أيضا: عمري ما حلمت أكون مخرج إلا بعد ما قابلت يوسف شاهين.. أنا كنت مهندس وخيبت، وبنتي بعد 21 سنة تعمل اللي هي عايزاه أي كان الكارير اللي هتختاره.

أخر أعمال خالد يوسف

من ناحية أخرى، كانت أخر أعمال خالد يوسف مشاركته في مسلسل سره الباتع إلى جانب كلا من النجوم أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل، صلاح عبد الله، هالة صدقى، أحمد عبد العزيز أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان، مصطفى درويش، علاء حسني، ناهد رشدي، أيمن عزب، أيمن الشيوي، مفيد عاشور، مجدي فكري، محمد الصاوي، ميسرة، صبري عبد المنعم.

وحقق المسلسل نجاحات كبيرة خلال فترة عرضه في سباق مسلسلات رمضان 2023، ودرات قصته حول قصة أسطورية من التاريخ واحتوى على أكبر عدد من النجوم في عالم الدراما.