مذيعة انتقدتني عشان بعمل تيك توك وفاروق فلوكس كان بيتلزق فيا.. أبرز تصريحات مها أحمد

علقت الفنانة مها أحمد على تضيعها للفرص خلال فترة في حياتها بسبب الكسل قائلة: "مش كسلانة في الشغل ماعدا شغل الشتا، وكسلي خسرني اني في عز الهجوم ده اتطلبت اني امسك منصب مهم للمرأة".

وأضافت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار والتي رصدها موقع تحيا مصر: " رفضت منصب المرأة لاني مش بتاعة حاجات روتينية، ولو عايزة أخرس الالسنة كنت ممكن اقبل بالمنصب ومحدش يعرف يقولي صباح الخير حتى". 

مها أحمد: فاروق فلوكس بالنسبالي تاريخ لكن مش من حقه يقرب مني ويلزق فيا أوي

وتطرقت مها احمد بحديثها  عن واقعة حدثت بينها وبين الفنان فاروق فلوكس قائلة: "عرفت ان المسرح بيكرم الاستاذ فاروق فلوكس، فا قلت لصديقتي ومديرة تحرير برامجي، بفكر اروح عشان احضر التكريم واعمله مفاجأة يمكن يفرح، قالتلي ازاي ده شتمك، رغم انى مش فاكرة اني اشتغلت معاه، فا سألت مقربين قالولي اني عملنا مسرحية مع بعض، وهو بالنسبالي تاريخ". 

واستكملت: "كنت بعمل بطولة مسرحية، فكان في الشغل بيقرب مني اوي، بيلزق فيا اوي، وبيندفع بالكلام وده بيضايقني، وكان يخرج عن النص لانه كان جاي علينا جديد، ومش حافظ، فا كان يرتجل بـ كلام مينفعش يتقال على مسرح دولة، فا اشتكيت للمخرج قلت له بعد اذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش اصل الارتجال ده عايز امكانيات". 

مها أحمد: مذيعة بتنتقد ظهوري على تيك توك وهي طالبة من ابني يتوسطلها عشان أعمل معاها لقاء

وعن واقعة انتقاد إحدى المذيعات ظهورها على التيك توك، قالت مها احمد: "دي طلبت من ابني انه يبقى واسطة عشان اعمل معاها حوار وعملت معاها حوار كانت قاعدة تترعش، ومعرفش انها اخت زميلة، وانا معرفهاش عشان تقول عليا بهين الفن من خلال التيك توك، تقوليلي كلى قناة مشفرة ومذيعة مشفرة واكيد المخرج مشفر".

 وأضافت: "يعني انا بهين الفن؟، طيب لو كنت رضيت بأدوار إغراء وقبلات وحاجات في بداياتي كده مش بهين الفن، بقولها لو فاكرة اني ماتيريال عشان تطلع على كتافي أعتقد ممكن تكتب ع اليوتيوب اسم اختها وهي هتلاقي ماتيريال كويس وممكن يفيدها أكتر، واي حد يتطاول عليا او بيتي وجوزي معنديش غير القضاء".

مرت بمشكلات شخصية صعبة.. صندوق أسرار مها الصغير زوجة أحمد السقا

مها أحمد وتامر حبيب.. النجوم يقدمون واجب العزاء في وفاة ناهد فريد شوقي| صور

مها أحمد: فنان زميل كان بيعمل فيلم كبير ولما طلبت منه دور قالي"هتشحتي شغل"

ورفضت الفنانة مها أحمد ذكر فنان زميل لها استهزأ بها أثناء طلبها دور في أحد أعماله قائلة: "معنديش الجرأة اذكر الزميل اللي قالي هتشحتي دور لآنه مايستاهلش، وكان اكتر واحد بيتنا مفتوح له وبياكل معانا عيش وملح، وكان بيعمل فيلم قلته ايه يبني الأقربون أولى بالمعروف، قالي هو انتي هتربطي على عينك وتشحتي، هو الجري ع اكل العيش غلط او شحاتة". 

وتابعت مها احمد: "السعودية موضوع مش جديد، ومن زمان من أيام المسرح والنجوم الكبار زي الاساتذة عادل امام وسعيد صالح وسمير غانم، ده الزعيم كان بيلف العالم وكان استقباله استقبال رؤساء، ومعنديش مشكلة اشارك في اعمال خليجية، لاني بمثل بلدي، وبلدي أم الفنون وكل اللي عايز يتشهر بيجي عندنا".