شيرين رضا تكشف تفاصيل خطبة ابنتها.. وعلاقتها بعمرو دياب

كشفت الفنانة شيرين رضا في برنامج العرافة، عن تفاصيل خطبة ابنتها نور وعلاقتها بها وبأبيها عمرو دياب، مشيرة إلى أنها ترغب في تكوين شخصية منفصلة خاصة بعيدًا عن والديها وشهرتهما الواسعة، لذلك فهي قليلة الظهور معهما على مواقع التواصل الاجتماعي أو خلال الحفلات.

شيرين رضا تكشف تفاصيل خطبة ابنتها

جاء ذلك خلال استضافتها ببرنامج "العرافة"، المذاع على قناتي "المحور" والنهار"، تقديم الإعلامية بسمة وهبة، مضيفة بأن ابنتها نور تعيش في لندن، وهي لازالت مخطوبة، وقد مر على خطبتها سنة كاملة، وقد تمت الخطوبة بطريقة بسيطة بدون معرفة والدها ووالدتها.

مصطفى كامل يهاجم طارق الشناوي: محدش ياخد برأيه هو ميعرفش حاجة عن النقد

مصطفى كامل : اللي شوفته في عزاء حلمي بكر مبكي.. وكلنا هنتجنن على حقه إلا قرايبه

وقالت الفنانة شيرين في العرافة: "بنتي اتخطبت بدون دركة وأغاني ودعوات والكلام ده.. ولا أنا ولا عمرو دياب حضرنا.. وأنا مبسوطة علشان هي مبسوطة، وهي اختارات الحاجة اللي تسعدها.

شيرين رضا: نور مش بتحب الهيصة

وعن إقامتها في لندن، ردت الفنانة شيرين رضا: "أنا مش زعلانة إنها مقيمة في لندن خالص.. هي اعدة مع نفسها وبتعمل شغل تسويق لإحدى الشركات في انجلترا وهي منتشرة في البلد كلها.. وهي مش بتاع هيصة ولا دوشة".

وعن الذي يتولى مصاريف نور، قال شيرين رضا: "نور بتعتمد على نفسهامن بعد ما خلصت دراسة.. وهي في أثناء الدراسة كنت أنا وعمرو دياب بنصرف عليها.. لكن حاليًا هي معتنمدة على نفسها ومفيش حد فينا بيديها فلوس.. علشان الفلوس مضيعهاش.. لأني شوفت نماذج كتيرة الفلوس ضيعتها.. وهي تتحمل المسؤولية وعارفة إن الفلوس اللي معها لازم تكفيها".

علاقة عمرو دياب ونور

وعن عدم ظهور نور مع عمرو دياب في أصور لهما أو حضورها لأي حفلات ينظمها، قالت: "هي لا تحب الظهور.. وزي ما قولت هي عايزة تعمل شخصية لنفسها.. وايزة اللي يعملها لايك على الانستجرام يكون بيعمل ليها هي مش بيعمل لشيرين رضا أو عمرو دياب".

وعن لقاء عمرو دياب ونور، قالت: "أكيد بيتقابلوا.. هي علشان قاعدة في لندن وعمرو بقاله فترة كبيرة مش بيرح لندن فمتقابلوش.. ويمكن هي قالتالي إنهم اتقابلوا بس أنا نسيت".. وقاطعتها بسمة وهبة: "بتتهربي من الإجابة".. ودت شيرين: "آه بتهرب".